राष्ट्रिय दलित पत्रकार संघ पाल्पा शाखाको अध्यक्षमा विश्वकर्मा
आँधीखोला खबर/पाल्पा :
राष्ट्रिय दलित पत्रकार संघ नेपाल पाल्पा शाखाको अध्यक्षमा मिलन विश्वकर्मा चयन भएका छन् । शुक्रबार तानसेनमा सम्पन्न प्रथम जिल्ला भेलाले अध्यक्षमा विश्वकर्मालाई सर्वसम्मत चयन गरेको हो । स्याङ्जाको कालिगण्डकी गाँउपालिकाका स्थायी बासिन्दा विश्वकर्मा थाहा सञ्चार नेटवर्क र थाहाखबरका पाल्पा जिल्ला समाचारदाता हुन् । उनी यसअघि स्थानीय सामुदायीक रेडियो मुक्तिनाथ एफएममा समचार प्रमुखदेखि स्टेशन म्यानेजर पदमा रहि भूमिका निर्वाह गरेका थिए । उनले पाल्पामा रहेर विगत १३ वर्षदेखि पत्रकारित गर्दै आएका छन ्।
संघको उपाध्यक्षमा डोलबहादुर विक, सचिवमा विजय बौडेल, सह–सचिवमा संगिता दर्नाल, कोषाध्यक्षमा सन्तोष गहतराज चयन भएका छन्। यस्तै सदस्यहरुमा सुवास विसी, सुकुम नेपाली, सरिता विक, सञ्जु परियार चयन भएको संघका सल्लाहकार किरण कौशलले बताए।
भेलाका प्रमुख अतिथि तानसेन नगरपालिकाका प्रमुख अशोक कुमार शाहीले समाजमा विद्यमान अवस्थामा रहेको जातीय विभेद अन्त्यको लागि जोडदार कलम चलाउन सुझाव दिए । जातीय विभेदका विरुद्ध कानुन बनेको छ उनले भने सरोरकारवाला निकायसँग जातीय विभेदका बारेमा गम्भीर छलफल र बहस सञ्चालन गरेर यसको प्रभावकारी कार्यान्वयन हुनुपर्छ । पत्रकारले कलम मार्फत खबरदारी गर्नुपर्छ उनले थपे ।
राष्ट्रिय दलित पत्रकार संघका केन्द्रीय अध्यक्ष विनोद पहाडीले संघ दलित समुदायको हकअधिकारको लागि साझा मञ्च भएको बताए । दलित समुदायका पत्रकारको संख्या न्यून हुनु र टिकाउन चूनौती रहेकोले राज्यको ध्यान यसतर्फ जानुपर्नेमा उनले जोड दिए ।
सामाजिक संरचना अनुसार दलित समुदायका पत्रकारलाई अझैपनि काम गर्न कठिन हुने गरेको नेपाल पत्रकार महासंघ पाल्पाका सभापति राजेशकुमार अर्यालले बताए। सबै समुदायका पत्रकारले यस्तो विभेदका विरुद्ध एकपटक कलम चलाउनुपर्ने उनले बताए ।
कार्यक्रममा प्रेस संगठन नेपाल पाल्पाका संयोजक राजेन्द्र लिगल, दलित अगुवा राजेन्द्र विश्वकर्मा, ठाकुर प्रसाद लोहागुन, तानसेन नगरपालिकाका कार्यपालिका सदस्य दीपक विश्वकर्मा, दलित अधिकारका लागि साझा अभियान पाल्पाका अध्यक्ष विष्णु बोमरेल, पूर्व अध्यक्ष तीर्थप्रसाद गौतमले समाजमा रहेको विकृति अन्त्यको लागि कलम चलाउन सुझाव दिदै नयाँ नेतृत्वलाई बधाइ तथा शुभकामना दिएका थिए ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


