पोषणमा सुधार ल्याउन कालिगण्डकीमा सर्बोत्तम पिठो बनाउने तालिम सञ्चालन

आँधीखोला खबर/कालिगण्डकी- स्याङ्जा :
कालिगण्डकी गाँउपालिकाको आयोजनामा पोषण प्रवर्धन कार्यक्रम अन्तरगत सर्बोत्तम पिठो बनाउने तालिम सम्पन्न भएको छ । सो अवसरमा बोल्दै कालिगण्डकी गाँउपालिकाका अध्यक्ष खिम बहादुर थापाले बालबालिकालाई कुपोषणबाट बचाउन तालिमको आयोजना गरिएको जानकारी दिनुभयो । तालिमले महिलाहरुलाई व्यवशायीकता तर्फ अगाडि बढाउन सहयोग गर्ने बताउनु भयो ।
त्यस्तै सुआहारा दास्रो अन्तरगत दियालो सुआहाराका परियोजना प्रवन्धक ओमसुवा गुरुङले यस्ता तालिमले सुनौला हजार दिनका आमा र बच्चाहरुको पोषणमा प्रत्यक्ष प्रभाव पार्ने स्पष्ट पार्नु भयो ।
कार्यक्रमा जिल्ला सुआहारा स्याङ्जाका पोषण अधिकृत सम्पूर्ण राईले स्थानीय स्तरमा सजिलै उपलब्ध हुने खाद्यान्नबाट पोषण प्रवर्धन गर्न सकिने जानकारी दिनुभयो ।

त्यस्तै तालिमका प्रमुख प्रशिक्षक खाद्य अनुसन्धान अधिकृत प्रशान्त पोख्रेलले गाँउघरमा पाईने खाद्यान्नहरु कोदो, फापर,कागुनो आदिको कम प्रयोग हुने गरेको भन्दै यसको प्रयोग बढाउन जरुरी रहेको धारणा राख्नुभयो ।
तालिममा सन्तुलित पोषण तत्वको महत्व, पत्रु खानाको असर, खाद्यास्वच्छता, खााद्य लेवल र सुरक्षित खाद्य व्यवशाय कसरी गर्ने लगायतका बिषयमा सैद्धान्तिक र प्रयोगात्मक प्रशिक्षण दिईएको थियो ।