वालिङमा व्यावशायीक मौरी पालन तालिम शुरु, मोडा बनाउने तालिम सकियो ।
माघ १६ वालिङ :
वालिङ नगरपालिका वडा नम्वर २ र वडा नम्वर ४ का व्यावशायीक रुपमा मौरी पालन गर्न चाहनेहरुका लागि आजबाट तालिम शुरु भएको छ । वडा नम्वर २ मा शुरु भएको तालिम ३ दिन सम्म चल्ने छ ।
युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत तालिम प्रदान गरिएको हो ।
तालिमको उद्घाटन गर्दै वडा नम्वर २ का वडा अध्यक्ष पोत प्रसाद लम्सालले व्यावशायीक रुपमा मौरी पालन गर्न सके राम्रो आम्दानी गर्न सकिने बताउनु भयो । उहाँले भन्नुभयो मौरी पालनको वालिङमा राम्रो सम्भावना छ । सीपमुलक तालिमको सही सदुपयोग गरी उद्यमी बन्न अध्यक्ष लम्सालले आग्रह गर्नु भयो ।

कार्यक्रमको बारेमा दियालो युएनडिपीका परियोजना प्रमुख राधाकृष्ण डुम्रेले जानकारी गराउनु भएको थियो । तालिममा मौरी पालन संघका केन्द्रीय उपाध्यक्ष श्याम प्रसाद अर्यालले सहजीकरण गर्नु भएको छ । तालिममा वडा नम्वर २ र ४ का गरी ३५ जना कृषकहरुको सहभागिता रहेको छ । मौरीपालन कृषि सहकारीका अध्यक्ष केदार रेग्मीको अध्यक्षतामा सम्पन्न भएको कार्यक्रमको सञ्चालन दियालो युएनडिपीका कलेक्सन प्रमुख बिशाल बगालले गर्नु भएको थियो ।

त्यस्तै वालिङ १ मा व्यावशायीक मोडा बनाउने तालिम सम्पन्न भएको छ । तालिमको समापन गर्दै वडा अध्यक्ष केदार काफ्लेले सिकेको सीपलाई व्यवहारमा उतार्न आग्रह गर्नु भयो । उहाँले भन्नुभयो, सीपलाई व्यवहारमा उतार्न सके सहजै आर्थिक उपार्जन गर्न सकिन्छ ।
वडा अध्यक्ष काफ्लेले वाडावासीलाई सही सिप प्रदान गरी उद्यमी बनाउने अभियानमा लागेको जानकारी गराउनु भयो ।
कार्यक्रममा दियालो संस्थाका अध्यक्ष कबिता तिवारी गैह्रेले कार्यक्रमले सीपयुक्त दक्ष उद्यमी बनाई समग्र नगरपालिकाका नागरिकको आर्थिक स्तरमा सुधार ल्याउने लक्ष्य राखेको जानकारी दिनुभयो । उहाँले उत्पादित सामाग्रीलाई बजारीकरण गर्ने कार्यक्रमको महत्वपूर्ण पक्ष रहेको सो अवसरमा जानकारी गराउनु भयो ।

कार्यक्रममा श्रीनगर टोलका अध्यक्ष एबं समाजसेवी सोम बहादुर गुरुङ, सहभागी पुनमाया गुरुङ, प्रशिक्षक पूर्ण बहादुर गुरुङ, लगायतले बोलेका थिए ।
श्रीनगर मोडा तथा ड्रेस उत्पादन सहकारीका उपाध्यक्ष उसा गुरुङको सभापतित्वमा सम्पन्न भएको कार्यक्रमको सञ्चालन दियालो युएनडिपीका कृषि प्राबिधिक सीता काफ्लेले गर्नु भएको थियो । तीन दिन सम्म चलेको तालिममा ३५ जनाको सहभागिता रहेको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


