मौसमी तथा बेमौसमी तरकारी खेती सम्वन्धी तालिम
आँधीखोला खबर/वालिङ :
वालिङ नगरपालिका वडा नम्वर ५ पित्लेकमा मौसमी तथा बेमौसमी तरकारी खेती सम्वन्धी तालिम शुरु भएको छ । युएनडिपी नेपाल र वालिङ नगरपालिकाको आर्थिक सहयोगमा दियालो संस्थाद्धारा वालिङमा सञ्चालित “सीप तालिम कृषि तथा उद्यम बिकासद्धारा आर्थिक सशक्तिकरण परियोजना अन्तरगत कृषकहरुका लागि तालिम दिन शुरु गरिएको हो ।
तालिमको उद्घाटन गर्दै वालिङ नगरपालिका वडा नम्वर ५ का अध्यक्ष ढाकाराम पंगेनीले व्यवशायीक बन्न चाहने कृषकहरुका लागि नगरपालिकाले समेत सहयोग गर्ने बताउनु भयो । उहाँले भन्नुभयो, “कृषकको पक्षमा नगरपालिका र वडा रहेको छ ।” अध्यक्ष पंगेनीले तालिममा सिकेका कुरालाई व्यवाहारमा उतार्न र व्यवशायीक कृषक बन्न आग्रह गर्नुभयो ।
कार्यक्रमको बारेमा जानकारी दिदै परियोजना प्रमुख राधाकृष्ण डुम्रेले कृषक र उद्यमीको हितमा नै नगरपालिकामा कार्यक्रम सञ्चालन गरिएको जानकारी दिनुभयो । उहाँले भन्नुभयो,“कृषक तथा उद्यमीलाई तालिमसँगै आवश्यक सहयोग प्रदान गर्ने कार्यक्रम अगाडि बढ्ने छ । ”
तालिममा वालिङ नगरपालिकाका कृषि शाखा प्रमुख केश बहादुर थापा, कस्तुरी अस्लामी थापा लगायतले प्रशिक्षण दिनुभएको छ ।
जनकल्याण कृषि सहकारी संस्थाका अध्यक्ष निलकण्ठ लामिछानेको अध्यक्षतामा सम्पन्न भएको तालिमको उद्दघाटन कार्यक्रममा स्वागत हुमनाथ लामिछानेले र सञ्चालन कृषि प्राबिधिक स्वयंसेवक राजेन्द्र प्रसाद लामिछानेले गर्नु भएको थियो ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


