सागको चौंथो दिन आज १६ खेल हुने
मंसिर १८ : १३ औं दक्षिण एसियाली खेलकुद प्रतियोगिता (साग) को चौंथो दिन आज विभिन्न १६ खेलमा प्रतिस्पर्धा हुँदैछ ।
आज काठमाडौंमा एथ्लेटिक्स, कराँते, तेक्वान्दो, उसु, पुरुष फुटबल, पुरुष क्रिकेट, साइक्लिङ, गल्फ, सुटिङ, टेबलटेनिस, लन टेनिस, कबड्डी र खो खो का खेलहरु हुनेछन् ।
यसैगरी पोखरामा ब्याडमिन्टन, महिला क्रिकेट, महिला फुटबल, ट्राएथ्लन, ह्यान्डबल र उसुको प्रतिस्पर्धा हुनेछ । कराँतेतर्फ आज नेपालले ४ स्वर्ण पदकका लागि खेल्नेछ ।
सातदोबाटोस्थित कराँते हलमा हुने खेलमा व्यक्तिगत कुमुते र टिम कुमुते गरी १३ खेलाडीले प्रतिस्पर्धा गर्दैछन् । उसुतर्फ आज नेपालले दुई स्वर्ण पदकका लागि प्रतिस्पर्धा गर्दैछ ।
उसुको पुरुष थाउलोतर्फ दिपक हमाल र हरि प्रसाद गोले भिड्दैछन् । तेक्वान्दोमा आज नेपालले ६ स्वर्ण पदकका लागि खेल्दैछ । आज पुरुष र महिलातर्फ ३–३ वटा स्वर्ण पदकको टुंगो लाग्दैछ ।
एथ्लेटिक्सतर्फ आज विभिन्न ९ स्पर्धामा खेलहरु हुनेछन् । एथ्लेटिक्सका खेलहरु काठमाडौंको दशरथ रंगशालामा बिहान ९ बजेबाट सुरु हुनेछ ।
पुरुष फुटबलमा नेपालले आज साँझ ५ वजे श्रीलंकाको सामना गर्नेछ । क्रिकेट अन्तर्गत महिलातर्फ आज नेपालले टेष्ट राष्ट्र बंगलादेशसँग खेल्दा श्रीलंका र माल्दिभ्स भिड्नेछन् ।
आजै पुरुष क्रिकेटमा बंगलादेश र माल्दिभ्स तथा श्रीलंका र भुटान भिड्नेछन् । खो खो को महिलातर्फ आज नेपालले उपाधिका लागि भारतसँग खेल्दैछ ।
खो खो कै पुरुषतर्फ बंगलादेश र भारत स्वर्ण पदकको लागि भिड्दा नेपालले तेस्रो स्थानको लागि श्रीलंकासँग खेल्नेछ । पोखरामा जारी ब्याडमिन्टनतर्फ आज एकल तथा टिम इभेन्ट्सका खेलहरु हुँदैछन् ।
गल्फका खेलहरु गोकर्ण फरेस्ट गल्फ क्लबमा बिहान १० बजेबाट सुरु हुनेछ । पहिलो दिनको खेलपछि गल्फको पुरुष व्यक्तिगततर्फ नेपालका शुक्र बहादुर राईले अग्रता बनाएका छन् ।
पुरुष टिममा पनि नेपालले अग्रता बनाएको छ । दोस्रो दिन आज नेपाल सोही अग्रता जोगाउदै अघि बढ्ने तयारीमा छ ।
टेबल टेनिसतर्फ आज पनि विभिन्न स्पर्धाका खेलहरु हुनेछन् । लैनचौरस्थित राष्ट्रिय टेबलटेनिस प्रशिक्षण केन्द्रमा जारी खेलमा नेपालले हिजो पुरुष टिममा रजत र महिला टिममा कास्य पदक जितेको छ ।
काठमाडौंको गोकर्णमा आजबाट साईक्लीङका खेलहरु सुरु हुनेछन् । सदिह पार्क गोकर्णमा आज साईक्लीङको महिला र पुरुष डाउनहिलका खेलहरु हुनेछन् ।
आजै हलचोकस्थित सशस्त्र प्रहरीको कभर्ड हलमा कबड्डीका खेलहरु सुरु हुँदैछन् । उता सातदोबाटोस्थित टेनिस कोर्टमा आज लन टेनिसका विभिन्न खेल हुँदैछन् ।
टिम इभेन्ट्सको पुरुष र महिलातर्फ नेपालको दुवै टिम बाहिरिसकेको छ । पोखरामा जारी ट्राएथ्लनमा आज एक स्वर्ण पदकको छिनोफानो हुँदैछ ।
ट्राएथ्लनतर्फ नेपालले दुई वटा स्वर्ण पदक जितिसकेको छ । मिक्स टिम रिलेतर्फ नेपाल, भारत र श्रीलंकाका खेलाडीहरुले प्रतिस्पर्धा गर्नेछन् ।
मिक्स टिम रिलेमा प्रत्येक देशका २ पुरुष र २ महिला खेलाडीसहितको एक-एक टिम रहनेछ । रिलेमा ३ सय मिटर पौडी, ६ किलोमिटर साईकिलिङ र २ दशमलब ५ किलोमिटर दौडको दुरी तय गरिएको छ ।
१३ औं सागअन्तर्गत ह्यान्डबलका खेलहरु आज पोखरामा सुरु हुँदैछ । पहिलो दिन चार खेल हुनेछन् । महिलातर्फ नेपालले श्रीलंकासँग खेल्दा भारतले माल्दिभ्सको सामना गर्नेछ ।
पुरुषतर्फ नेपाल र श्रीलंका तथा भारत र बंगलादेश भिड्नेछन् ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


