वालिङ जेसिजले बिभिन्न कार्यक्रम सहित जेसिज सप्ताह मनायो ।

आँधीखोला खबर/वालिङ:
वालिङ जेसिजले बिभिन्न कार्यक्रम सहित जेसिज सप्ताह मनाएको छ । वालिङमा मानबीय तथा सामाजिक कार्य गर्दै आईरहेको जेसिजले बिभिन्न कार्यक्रम गरेको हो । पहिलो दिन वालिङ नगरपालिकाको दुबै सिमानामा स्वागत तथा धन्यवाद बोर्ड राखेर कार्यक्रमको शुभारम्भ गरेको हो । कार्यक्रमको शुभारम्भ गर्दै वालिङ नगरपालिका उपप्रमुख कल्पना तिवारीले जेसिजको क्रियाकलाप वालिङमा निक्कै उदाहरणीय रहेको बताउनु भयो । उहाँले भन्नुभयो, “जेसिजको प्रस्ताव अनुशार नै हामीले नगरलाई पिंक सिटिको रुपमा परिणत गर्दैछौं ।”
त्यस्तै जेसिज चोक परिसरमा सरसफाई समेत गरिएको छ । जेसिजले निर्माण गरेको सचिबालय भवन परिसरमा समेत सरसफाई गरिएको वालिङ जेसिजका अध्यक्ष राजु तिवारीले जानकारी दिनुभयो । त्यस्तै कार्यक्रम अन्तर्गत मैत्रीपूर्ण फुटवल लगायतका कार्यक्रम गरिएको जेसिजले जनाएको छ ।