गल्याङ नगरपालिकाद्धारा राहत प्रदान
आँधीखोला खबर/गल्याङ :
स्याङ्जाको गल्याङ नगरपालिका वडा नम्बर चारको एक विपन्न परिवारलाई गल्याङ नगरपालिकाले सहयोग गरेको छ ।
गल्याङ नगरपालिकाका प्रमुख भुपराज अधिकारीको नेतृत्वमा गएको टोलीले गल्याङ नगरपालिका वडा नम्बर ४ अधिकारी डाँडाका आर्थिक अवस्था कमजोर भएका मनबहादुर थापाको परिवारलाई राहत सहयोग गरेको हो । थापाको निधन भएपछि उनको परिवारलाई राहत स्वरुप चामल, दाल, तरकारी, नुन, तेल सहितका सामाग्री लिएर नगरप्रमुख अधिकारी थापा परिवारलाई भेट्न अधिकारीडाँडा पुग्नुभएको थियो ।
थापाको निधन भएको दशौं दिनको दिन आज करिब २० हजार रुपैयाँ बराबरको राहत सामाग्री हस्तान्तरण गरिएको नगरपालिकाका प्रेस संयोजक केपी खनालले जानकारी दिनुभयो ।
मनबहादुर थापाका चार छोरा छन् । आफ्नै घर जग्गा नभएको विपन्न परिवार भएकाले अन्य सहयोग गर्न आफन्त तथा परिवारजनले आग्रह गरेका थिए । जवाफमा नगरप्रमुख अधिकारीले घर बनाउनका लागि आवश्यक सहयोग गर्ने आश्वासन दिनुभयो ।
नगरपालिकाले गरिब तथा विपन्नका लागि बढि प्राथमिकता दिएको भन्दै उहाँले आगामी दिनमा आवश्यक पर्ने सबै खालको सहयोग गर्ने स्पष्ट पार्नुभयो ।
राहत सामाग्री लिएर सँगै पुग्नुभएका वडा नम्बर चारका अध्यक्ष नेत्रप्रसाद पाण्डेले थापाको परिवारलाई घर बनाउनका लागि आवश्यक जग्गाको प्रबन्ध गर्ने बताउनुभयो ।
राहत सामाग्री वितरणमा नेपाल कम्युनिष्ट पार्टी नेकपा गल्याङ नगरपालिकाका कार्यलय प्रमुख छविलाल भूषाल, नेपाली काङ्ग्रेसका स्थानीय नेता ढाकाराम न्यौपानेको पनि सहभागिता रहेको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


