१३ औँ सागः महिला क्रिकेटमा नेपाल १० विकेटले विजयी

१३ औँ साग अन्तर्गत महिला क्रिकेटको पहिलो खेलमा नेपाल विजयी भएको छ । पोखरा रंगशालामा सोमबार बिहान भएको खेलमा नेपालले माल्दिभ्सलाई १० विकेटले पराजित गरेको हो ।माल्दिभ्सले दिएको १७ रनको झिनो लक्ष्य नेपालले मात्र ५ बलमा विना विकेटको क्षतिमा पूरा गर्यो । अब नेपालले डिसेम्बर ४ मा बंगलादेशसँग खेल्ने छ ।

माल्दिभ्सविरुद्ध अञ्जली चन्दले महिला क्रिकेटमा कीर्तिमानी बलिङ गरिन् । उनले माल्दिभ्सविरुद्ध एक रन पनि नदिँदा ६ विकेट लिएर नयाँ कीर्तिमान बनाइन् ।उनले पहिलो ओभर मेडन राख्दै तीन विकेट लिइन् । त्यस्तै दोस्रो ओभरमा पनि एक रन पनि खर्चिनन् । र तेस्रो ओभरमा थप एक विकेट लिइन् । जसका कारण उनले महिला क्रिकेटमा कीर्तिमानी फिगर बनाइन् ।

यसअघि कम रन दिएर धेरै विकेट लिने कीर्तिमान मलेसियाकी मास एलिसाको नाममा थियो ।

Facebook Comments Box