सेनाले बम विष्फोट गर्दा भत्किएको कालिगण्डकी करिडोरमा पर्ने स्थानियको घर सेनाले नै बनाउने

गुल्मी: राष्ट्रिय गौरवकै योजना कालीगण्डकी कोरिडोरको काम भइरहदा यहाका स्थानियहरु घरवारविहीन बनेको बिषयमा समाचार प्रकाशित भएसँगै गरिएको फलोअपले अन्तत करिडोर निर्माणमा संलग्न सेना, पालिका र स्थानियहरुबिच सहमती जुटेको छ।

गुल्मीको कालिगण्डकी गाउँपालिका २ बौरमा कोरिडोरको कामको जिम्मा पाएको नेपाली सेनाको टोलीले काम गरिरहदा स्थनियहरुको घरमा प्रत्यक्ष असर पुगि करिव १०० मिटर तल रहेका १५ घरधुरी विस्थापित बनेको बिषयलाई हाम्राकुराले प्रकाशन गरेको थियो ।

सेनाको टोलीले आफुहरुसँग सरसल्लाह समेत नगरी र अनुरोध गर्दा पनि नमानी बम पट्काएर बाटो खन्दा ठूला ठूला ढुङ्गाहरु खसी घरै भत्केको थियो ।

आइतवार स्थानिय भीष्म पराजुलीको सहयोगमा पिडित र गाउपालिका अध्यक्षको रोहबरमा सहमती जुटेको छ। सहमती अनुसार उचित क्षतिपूर्तीको ब्यवस्था समेत सेनाले गर्नुपर्ने भएको छ।