रोट्रयाक र स्मार्ट ईभेन्टले दिए देउँसी भैलोको रकम मार्फत फरक क्षमताका बिद्यार्थीलाई कपडा ।
सुशील सुबेदी / स्याङजा :
नेपालीहरुको महान पर्ब दिपावलीमा खेलीएको देउँसी भैलोको रकम पिक्निक तथा भ्रमणमा खर्च गर्ने लहर नै चलेको छ तर स्याङजाका युवा समुहहरुले देउँसी भैलोको रकम समाज सेवामा खर्चेका छन् ।
रोट्रयाक क्लब अफ वालिङ र स्मार्ट ईभेन्ट ग्रुपको संयुक्त आयोजनामा आयोजित देउँसी भैलोमा संकलन भएको रकमले भुम्रे माध्यामीक बिद्यालयमा अध्ययनरत फरक क्षमता भएका छात्र छात्रालाई सिरक डस्ना बितरण गरिएको छ ।
बिद्यालयमा अध्यानरत फरक क्षमता भएका १० जना बिद्यार्थीहरुलाई झण्डै ५० हजार बराबरको सिरक,डस्ना र सिरानी बितरण गरिएको रोट्रयाक क्लब अफ वालिङका अध्यक्ष मिलन पौडेलले बताउनु भयो ।

आबासीय खर्च बापत प्रती बिद्यार्थी ४ हजार राज्यले प्रदान गर्दै आएको छ भने बेला बेलामा बिभिन्न संघ संस्थाले खाद्ययान्न , लत्ता कपडा लगाएतको सहयोग गर्दै आएको भुम्रे माध्यामिक बिद्यालय सुस्त मनस्थिती कक्षाका स्रोत शिक्षक डोलराज बस्यालले बताउनु भयो ।
कपडा हस्तान्तरण गर्दै फरक क्षमता हुनु बालबालीका गल्ती नभएको बताउँदै यस्ता बालबालीकालाई सम्मान र प्रोत्सहान गर्न आबाश्यक रहेको वालिङ उद्योग वाणिज्य संघका अध्यक्ष शोभकान्त पौडेलले बताउनु भयो । सम्मान स्वरुप युवाहरुले परोपकारी क्षेत्रमा देउँसी भैलोको रकम खर्चेकोमा प्रशंसा व्यक्त गर्दै भन्नुभयो , ‘ यस्ता पर्बहरुमा रकम संकलन गर्ने र बनभोज तथा भ्रमणमा मदीरा सेबन गरेर खर्चिने लहर चलेको बेला यी युवाहरुले निकै प्रशंसनिय कार्य गरेका छन् । ’
रोट्रयाक क्लबले सार्बजनिक स्थलमा सरसफाई कार्यक्रम , सचेतनामुलक कार्यक्रम गर्दै आएको छ भने दशैैको तिहारको अवसरमा लोपान्मुख लठ्ठे पिङ समेत वालिङमा राखेको थियो । उक्त हस्तान्तरण कार्यक्रमको संचालन स्मार्ट ईभेन्ट ग्रुपका अध्यक्ष सगुन रानाले गर्नु भएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


