सुआहारा दोस्रोको अर्धबार्षिक बैठक वालिङमा शुरु ।
आँधीखोला खबर/वालिङ :
सुआहारा दोस्रो चरणको पहिलो अर्धबार्षिक कर्मचारी बैठक वालिङमा शुरु भएको छ । युएसएआईडीको आर्थिक सहयोगमा दियालो स्याङ्जाले जिल्लाका ११ वटै स्थानीयतहमा सुआहारा कार्यक्रम सञ्चालन गरिरहेको छ ।

कार्यक्रमको शुभारम्भ गर्दै दियालो स्याङ्जाका अध्यक्ष कबिता गैह्रेले सुनौला हजार दिनका आमा र बच्चाको पोषणमा सकारात्मक परिवर्तन ल्याउन कार्यक्रम सफल भएको बताउनु भयो । उहाँले भन्नुभयो,“कार्यक्रमका कारण पोषणको स्तरमा सुधार भएको छ ।” अध्यक्ष गैह्रेले जिल्लाका ११ वटै स्थानीय तहमा सुआहारा सम्वन्धी भईरहेका गतिबिधी राम्रो रहेको भन्दै कर्मचारीहरुलाई धन्यवाद समेत दिनुभयो ।

कार्यक्रममा सुआहाराका जिल्ला संयोजक याम जिसीले दीगो रुपमा पोषण शिक्षा कार्यक्रम सञ्चालन गराउने गरी गतिबिधी सञ्चालन गरिएको जानकारी दिनुभयो । उहाँले कार्यक्रमको समयावधी पछि पनि स्थानियतहले यसलाई निरन्तरता दिने गरी समन्वय भईरहेको बताउनु भयो । शुभारम्भ कार्यक्रमको सञ्चालन सुआहारा÷दियालो स्याङ्जाका कार्यक्रम प्रमुख ओमसुव गुरुङले गर्नु भएको थियो ।
बुधबार सम्म सञ्चालन हुने बैठकमा स्याङ्जा जिल्ला भरका सुआहारा दोस्रोका कर्मचारीहरु सहभागी रहेकाछन् । बैठकमा कार्यक्रमको समिक्षा गर्नुका साथै भाबी रणनीति तय गरिने बताईएको छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


