भेषजराज साहित्य प्रतिष्ठान : रचना बाचन गरेर शुभकामना आदान प्रदान ।

आँधीखोला खबर/वालिङ
स्याङ्जाका साहित्यकारहरुले रचनाबाचन गरेर शुभकामना आदान प्रदान गरेकाछन् । भेषजराज साहित्य प्रतिष्ठानको आयोजनामा भएको कार्यक्रमका सहभागीहरुले बिजया दशमी तथा शुभ दिपावलीको अवसरमा रचना बाचन गरेर शुभकामना आदान प्रदान गरेका हुन् । “संस्कृत, भाषा, कला र साहित्य संवद्र्धन : भेषजराज साहित्य प्रतिष्ठान” भन्ने नाराका साथ वालिङमा मासिक रचना बाचनको १७ औं सृङ्खला सञ्चालन गरिएको हो ।

कार्यक्रममा बोल्दै वालिङ नगर उपप्रमुख कल्पना तिवारीले साहित्य मानव जीवनको अभिन्न अंग भएको बताउनु भयो । साहित्यले मानिसलाई जीवन सहि रुपमा जीउन सिकाउने भन्दै उपप्रमुख तिवारीले नेपाली कला र साहित्यको संरक्षण गर्नु पर्ने धारणा राख्नुभयो ।
कार्यक्रममा स्याङ्जा साहित्य प्रतिष्ठानका सचिब मिलन समिर,आँधीखोला खबर डटकमका प्रधान सम्पादक राधाकृष्ण डुम्रे,शम्भु अर्याल, नारायण रेग्मी, प्रदिप रेग्मी बगाले, प्रदिप बगाले, बिष्णु अर्याल लगायतले रचना बाचन गर्नु गरेका थिए ।