अष्ट्रेलियाले नेपाललाई ५-० गोलले हरायो

नेपाल विश्वकप छनोट चरणको समुह चरणको खेलमा अष्ट्रेलियासँग ५-० गोलले पराजित भएको छ।

पहिलो हाफमा केहि तालमेल नमिलेको नेपालले ३ गोल खाएको थियो। केही बलहरु कप्तान र गोलकिपर किरण चेम्जुङले राम्रो बचाउ गर्दै गोलहरु बचाएका थिए। रक्षापंक्तिका खेलाडीहरुको आपसी तालमेल नमिल्दा पनि नेपालले गोलहरु खाएको थियो।

अष्ट्रेलियाका शारिरीक रुपमा र खेलको प्राविधिक रुपमा पनि नेपाली टोली भन्दा राम्रा देखिन्थे। विश्वकप फाइनल्स खेलिसकेको टोली अष्ट्रेलियासँग उसकै घरेलु मैदानमा नेपालले आफ्नो पक्षबाट सक्दो प्रयास गरेको हो।

नेपाली टोलीले केहि प्रयास गरेको थियो तर अष्ट्रेलियाको रक्षापंक्तिका खेलाडीहरुले ति प्रयासहरुलाई बिफल तुल्याएका थिए।

Facebook Comments Box