नेपाल कम्युनिष्ट पार्टी (नेकपा) वालिङ नगर कमिटिको प्रशिक्षण ।

आँधीखोला खबर/वालिङ :
स्याङ्जाको वालिङमा नेपाल कम्युनिष्ट पार्टी नेकपाले प्रशिक्षण कार्यक्रम गरेको छ । वालिङ नगर कमिटिले आयोजना गरेको प्रशिक्षण कार्यक्रममा पुर्व मन्त्री एबं नेकपाका युवा नेता महेश बस्नेतले समसामयिक सन्र्दभ र भावी योजनाका विषयमा प्रशिक्षण दिनुभएको थियो । सो अवसरमा नेता बस्नेतले कम्युनिष्ट सरकारले गरेका सकरात्मक कामहरुको जनतामाँझ प्रचार नहुँदा अनावश्यक भ्रम फैलाउन प्रतिपक्षी सफल भएको भनाई राख्नुभयो ।

कार्यक्रममा नेकपा प्रदेश कमिटि सदस्य शैलेन्द्र घिमिरेले नेकपाको पाटी एकता सन्र्दभमा प्रशिक्षण दिनुभएको थियो त्यस्तै पार्टीको ईतिहास र अनुशासनका बारेमा प्रदेश सदस्य प्रकाश न्यौपाने र सांगठनिक निर्माण र दायित्वका विषयमा विश्व पौडेलले प्रशिक्षण दिनुभएको थियो ।
नगर कमिटि अध्यक्ष राजेन्द्र डुम्रेको सभापतित्वमा सम्पन्न कार्यक्रममा सञ्चालन सचिव रमेश अर्यालले गर्नुभएको थियो । प्रशिक्षण कार्यक्रममा नेकपा नगरका वडा अध्यक्षहरु, सचिव, नगरकमिटि, सल्लाहकार र जिल्ला सदस्यहरुको सहभागिता रहेको थियो ।