सरस्वती माविमा १२ औ राष्ट्रिय पुस्तकालय दिवस मनाइयो ।

आँधीखोला खवर/वालिङ :
“पठन संस्कृतिको पुर्वाधार,पुस्तकालयको विकास विस्तार” भन्ने मूल नाराका साथ वालिङ् नगरपालिका वडा नं १३ को सरस्वती मा वि मा राष्ट्रिय पुस्तकालय दिवस २०७६ मनाइएको छ ।

कार्यक्रममा बोल्दै विद्यालयका प्रधानध्यापक यामबहादुर कुंवरले हजार जना खराब साथी भन्दा एउटा राम्रो पुस्तक ठिक हुने बताउनुभयो । उहाँले मानिसलाई सत्मार्ग लैजान पुस्तक महत्तवपूर्ण हतियार भएको धारणा राख्नुभयो । विद्यालयले आगामी दिनमा अभिभावकलाई समेत लक्षित गरि पुस्तकालय र पुस्तकालय विकासका लागि पुस्तकालय कोषको वृद्धि गरिने जानकारीभयो । विद्यालयका सहायक प्रधानध्यापक कमलकान्त पौडेलको स्वागत मन्तव्य संगै सुरू भएको कार्यक्रममा ६ जना शिक्षकले तालिममा सिकेको अनुभव प्रस्तुत गर्नुभएको थियो भने कार्यक्रमको संचालन शिक्षक दयाराम डुम्रे ले गर्नुभएको थियो ।