कैद सजाय पाएका सवारी चालक २० वर्षपछि पक्राउ ।

आँधीखोला खवर/स्याङ्जा :
सवारी ज्यान मुद्दा खेप्दै आएका स्याङ्जाको बिरुवा गाउँपालिका–१ का ५२ वर्षीय मिनबहादुर रेग्मी २० वर्षपछि पक्राउ पर्नु भएको छ । उहाँलाई जिल्ला अदालत धादिङले २०५६ मंसिर २६ गते ४ वर्ष ८ महिना ६ दिन कैद सजाय र ४ हजार ५ सय रुपैयाँ जरिवाना तोकेको थियो ।
जिल्ला प्रहरी कार्यालय स्याङ्जाबाट सादा पोसाकमा खटिएको टोलीले रेग्मीलाई पक्राउ गरी जिल्ला अदालत स्याङ्जामा हाजिर गराएको स्याङ्जाका प्रहरी प्रवक्ता डीएसपी नवीनकृष्ण भण्डारीले जानकारी दिनुभयो । उहाँका अनुसार अदालतमा हाजिर गराएसँगै कैद भुक्तानको लागि जिल्ला कारागार चलान गरिएको छ । रेग्मी पोखरामा लुकी बस्दै आएको प्रहरीले बताएको छ ।

Facebook Comments Box