जन्मदिनको अवसरमा जेसी पंगेनीले गरिन मानव सेवा आश्रमलाई सहयोग ।

आँधीखोला खवर/वालिङ :

भिरकोट जेसिजको कार्यकारयणी उपाध्यक्ष बर्षा पंगेनीले आफ्नो जन्म दिनका अवसरमा मानव सेवा आश्रम पोखरालाई सहयोग गर्नु भएको छ । स्याङजाको वालिङ नगरपालिका वडा न ११ निवासी पंगेनीले आश्रमलाई नगद १२ हजार ५ सय प्रदान गर्नु भएको हो ।

पंगेनीले उक्त रकम वालिङ जेसिजका अध्यक्ष राजु तिवारी र भीरकोट जेसिजका अध्यक्ष उमेश गुरुङ मार्फत आश्रममा पठाउनु भएको हो ।

रकमको चेक हस्तान्तरण गर्दै पंगेनीले भन्नुभयो,“आफनो कमाइको केही भाग खाजा खर्च कटाएर भए पनि सडक मानवलाई हेरचाह गरिरहेको संस्था मानव सेवा आश्रमलाई प्रदान गर्न पाउदा निक्कै आनन्दको महशुस भएको छ ।” समाजमा जन्मदिनमा गरिने अनावश्यक खर्च सामाजिक कार्यमा लगाउनु पर्ने पंगेनीको भनाई छ । २१ औं वर्ष पार गरी २२ वर्षको उमेरमा पाइला टेकेकी पंगेनी नेको इन्योरेन्स कम्पनी वालिङमा कार्यरत रहनु भएको छ ।

Facebook Comments Box
TOP