वालिङ ५ जगत भञ्ज्याङमा डेङ्गु सम्बन्धी एकदिने सचेतना कार्यक्रम ।

तिलक गुरुङ/जगतभन्ज्याङ :
वालिङ नगरपालिका वडा नम्वर ५ जगत भञ्ज्याङमा डेङ्गु सम्बन्धी एकदिने सचेतना कार्यक्रम सम्पन्न भएको छ । वडा कार्यालयको आयोजना तथा जगत भञ्ज्याङ स्वास्थ्य चौकिको सहजीकरणमा कार्यक्रमको आयोजना गरिएको हो ।
कार्यक्रममा जनप्रतिनिधिहरु तथा महिला स्वास्थ्य स्वयंसेविका, शिक्षक,टोल बिकास सस्थाका प्रतिनिधिहरुको सहभागिता रहेको थियो । कार्यक्रममा डेङ्गु नियन्त्रणका लागि आ आफ्नो क्षेत्रबाट पहल गर्न स्वास्थ्य चौकी प्रमुख इन्द्र प्रसाद भट्टराइले सबैलाइ आग्रह गर्नुभयो ।

वडा अध्यक्ष ढाकाराम पंगेनीले डेङ्गुलाई महामारीका रुपमा फैलन नदिन समयमै सचेतनामूलक कार्यक्रमहरु टोल् टोलमा सञ्चालन गर्नु पर्ने र सरसफाईका कार्यक्रमहरु जति सक्दो चाडो शुरु गर्नु पर्नेमा जोड दिनु भयो ।
जगत भञ्ज्याङ स्वास्थ्य चौकिका अ हे व याम प्र पाण्डेले डेङ्गु रोगकाबारेमा सहजीकरण गर्नुभएको थियो । वडा न ५ को सभाहलमा भएको कार्यक्रम वडा अध्यक्ष ढाकाराम पंगेनीको सभापतित्वमा र संचालन कम्प्युटर अपरेटर प्रतिमा सिग्देल र स्वागत वडा सदस्य अनिता नेपालिले गर्नु भएको थियो