बैंकको सप्टवेर ह्याक गरी ६५ लाख आफ्नो खातामा तान्ने भुषाल स्याङ्जाबाट पक्राउ ।

आँधीखोला खवर/स्याङ्जा :
कृषि विकास बैंकको सफ्टवेर ह्याक गरी ६५ लाख आफ्नो खातामा तान्ने ढाकाराम भन्ने रामकृष्ण भुसाललाई प्रहरीले स्याङ्जाको वालिङबाट नियन्त्रणमा लिएको छ ।
प्रतिक्षा निर्माण सेवाका सञ्चालक वालिङ ९ का ४० बर्षिय भुसाललाई स्याङ्जाको वालिङबाट आज प्रहरीले पक्राउ गरेको हो । सफ्टवेर ह्याक गरी कृषि विकास बैंकबाट आफ्नो खातामा जम्मा गरिएको ६५ लाख भने भुसालले निकालि नसकेको प्रहरी जनाएको छ ।
कृषि विकास बैंक ह्याक गरी एटिएमबाट पैसा निकाल्ने बिभिन्न व्यक्तिलाई प्रहरीले यस अघि नै पक्राउ गरिसकेको छ । स्याङ्जा प्रहरीले पक्राउ गरेकोे भुसाललाई काठमाडौं पठाई अनुसन्धान गरिने प्रहरीले जनाएको छ । प्रहरीले पानस रेमिट र कृषि विकास ब्यांकको सफ्टवेयर ह्याक गरेर जनाएको छ ।
प्रहरीका अनुसार उनीहरुले कृषि विकास बैंकको सफ्टवेयर ह्याक गरी रु चार करोड ७३ लाख ९६ हजार विभिन्न व्यक्तिको नाममा पैसा पठाएको तथा पानस रेमिट नयाँ बानेश्वरबाट रु १२ लाख निकालेका थिए ।
त्यसमध्ये १० लाख हुण्डीमार्फत विदेशी ह्याकरलाई पैसा पठाए पनि अन्य पैसा लैजान नपाएको प्रहरीले जनाएको छ । प्रहरीले रु ६० लाख बरामद गरिसकेको छ ।
यसका मुख्य योजनाकार अफ्रिकी मूलका पिटर रहेको र उनले भारतमा बसेर योजना बनाई नेपाली एजेण्टलाई प्रयोग गरेका थिए । उनले रु पाँच अर्ब निकाल्ने योजना बनाएको खुल्न आएको छ ।

Facebook Comments Box