स्याङजामा अवैध हतियार सहित एकजना पक्राउ ।

भवानी अधिकारी/स्याङजा : स्याङजाको वालिङमा अवैध हतियार सहित एकजना पक्राउ परेका छन् । वालिङ नगरपालिका–१२ निवासी ओमबहादुर भन्ने पमबहादुर सारुलाई अवैध हतियार राखेको आरोपमा प्रहरीले पक्राउ गरेको हो ।

विशेष सुराकीको आधारमा सारुले अवैध हातहतियार खरखजाना लुकाइराखेको सूचना पाएपछि प्रहरीले गत बिहीबार सारुको घर खानतलासी गर्दा ती सामाग्री फेला पारेको जनाएको छ ।

उनको कोठाबाट भरुवा बन्दुक २ वटा, नेपाल कम्युनिस्ट पार्टी माओवादी लेखिएको पुस्तक ४ वटा, सम्मानपत्र एउटा, मोबाइल एउटा, १२ भोल्टको जीएफ लेखिएको एउटा ब्याट्री समेत बरामद गरिएको प्रहरीले जनाएको छ ।

प्रहरी नायब उपरीक्षक नविनकृष्ण भण्डारीका अनुसार सारुलाई अदालतबाट शुक्रबार म्याद थप गरी थप अनुसन्धान सुरु गरेको प्रहरीले जनाएको छ ।

Facebook Comments Box