वालिङ नगरपालिकाले खेलमैदान बनाउँछ : नगर प्रमुख खाँण ।
तोलाकान्त बगाले/वालिङ :
वालिङ नगर प्रमुख दिलिपप्रताप खाँणले १४ वटै वडामा खेलमैदानहरु निर्माण गर्ने योजनामा नगरपालिका रहेको बताउनुभएको छ । क्लब तथा संघ संस्थाले आवश्यक प्रक्रिया पूरा गरी खेलमैदान निर्माणका लागि माग गरेमा नगरपालिकाले खेलमैदान निर्माण गरिदिने बताउनुभएको हो ।

“खेलकुदका लागि नगरपालिकाले बजेट बिनियोजन गरेको छ” वालिङ ५ बाहुनडाँडामा दर्शन युथक्लबले आयोजना गरेको साविक वडास्तरीय भलिबल प्रतियोगिताको समापन गर्नुहुँदै नगर प्रमुख खाँणले भन्नुभयो, “बिनियोजित बजेटलाई खेल क्षेत्रको विकास, खेलमैदान निर्माण र खेलाडीहरुको क्षमता विकासमा खर्च गर्नेछौं ।”
बिजयी समूहलाई पुरस्कार वितरण गर्नुहुँदै नगर प्रमुख खाँणले वडास्तरमा हुने यसप्रकारका प्रतियोगिताले नयाँ नयाँ प्रतिभाहरु प्रष्फुटित हुने अवसर मिल्ने बताउनुभयो ।
उहाँले खेलकुद प्रतियोगिताहरुबाट उत्कृष्ट खेलाडीहरु छनौट गरी वडाको प्रतिनिधित्व हुँदै नगर तथा अन्य ठाउँमा हुने प्रतियोगिताहरुमा सहभागिता जनाई अझै उत्कृष्टता प्राप्त हुने गरी लाग्न पनि सुझाव दिनुभयो ।
“प्रतियोगिता सञ्चालनका लागि ब्यक्ति ब्यक्तिबाट आर्थिक तथा अन्य सहयोगहरु लिनुभएको छ” नगर प्रमुख खाँणले भन्नुभयो, “आम्दानी खर्चलाई एकदमै पारदर्शी गर्नुस् आवश्यक सहयोग नगरपालिकाले गर्ने छ ।”
समापन समारोहमा वडा नं. ५ का वडा अध्यक्ष ढाकाराम पंगेनीले वडा कार्यालयले आगामी दिनहरुमा पनि खेल क्षेत्रको विकासमा आवश्यक सहयोग गर्ने बताउनुभयो ।
बिहीबार सम्पन्न भलिबल प्रतियोगिताको उपाधी आँधीखोला पिस युथक्लब बयरघारीले जितेको छ । साविक वडास्तरीय पुरुष भलिबल प्रतियोगितामा आयोजक दर्शन युथक्लबलाई २–० को सोझो सेटले पराजित गरी उपाधी आफ्नो पक्षमा पारेको हो ।
प्रतियोगितामा प्रथम, द्वितीय, तृतीय र सात्वना भएका समूहले क्रमशः ६० हजार, ४० हजार, २० हजार र १० हजार नगदसहित शिल्ड, मेडल र प्रमाणपत्र प्राप्त गरेका छन् । क्लबका अध्यक्ष हुमबहादुर सेनको सभापतित्वमा सम्पन्न कार्यक्रमको सञ्चालन छबि आलेले र स्वागत केशब मल्लले गर्नुभएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


