स्याङ्जा सहयोग समाज साउदी अरबले गर्यो मिर्गाैला रोगी खवासलाई दोस्रो पटक आर्थिक सहयोग ।

आँधीखोला खवर/साउदी अरव :
स्याङ्जा सहयोग समाज साउदी अरबले स्याङ्जाको वालिङ १४ का मिर्गाैला रोगी दिपक खवास (चुरा बहादुर )लाई दोस्रो पटक आर्थिक सहयोग गरेको छ । घरको आर्थिक स्रोतले उपचार गर्न नभ्याउने भन्दै परिवारले सहयोग गरिदिन समाजलार्ई अनुरोध गरेपछि रकम संकलन गरी प्रदान गरिएको समाजका अध्यक्ष बालकृष्ण पंगेनीले जानकारी दिनुभयो ।

समाज साउदी अरवका उपाध्यक्ष दिनेश श्रेष्ठ सदस्य राजु श्रेष्ठ ,सस्थाका सनैया क्षेत्रीय अध्यक्ष टिकाराम भुषाल , सचिव काजी थापा , सदस्य राजन गैह्रेको र दमाम क्षेत्रीय अध्यक्ष दिपक खाँणको सक्रियतामा ३६ हजार ४ सय ३० सहयोग गरिएको समाजले जनाएको छ ।
विभिन्न व्यक्तीले गरेको सहयोगमा स्याङ्जा सहयोग समाज साउदी अरवको आपत्कालीन कोषबाट केही रकम थप गरी बिरामीका परिवार लाई पठाईएको सस्थाका महासचिव टिका के सी ले जानकारी दिनुभयो ।
सस्थाका अध्यक्ष बालकृष्ण पंगेनीले भन्नुभयोे, “दुवै मिर्गाैलाले काम नगरे पछि दिपक खवासले झन्डै तीन वर्ष देखी उपचार गराउदै आउनु भएको छ ।” घरको अवस्था नाजुक रहेकाले आर्थिक सहयोग गरिएको उहाँले स्पष्ट पार्नु भयो ।
समाजले यस अघि पनि विरामी खवासलाई रु ६२ हजार सहयोग गरिसकेको अध्यक्ष पंगेनीले जानकारी दिनुभयो ।