सन्दर्भ १०६ औं भानु जयन्ती : स्याङ्जाको ईतिहास मै पहिलो पटक मुक्तक वाचन कार्यक्रम वालिङमा।
राधाकृष्ण डुम्रे/वालिङ :
१०६ औ भानु जयन्तीको अवसरमा वालिङमा साहित्यीक विशेष कार्यक्रम सम्पन्न भएको छ । स्याङ्जा साहित्य प्रतिष्ठानको आयोजनामा मुक्तक वाचनको पहिलो विशेष कार्यक्रम एवं क्षितिज यात्रा र आभार मुक्तक कृति विमर्श कार्यक्रम गरिएको हो ।
स्याङ्जाली साहित्यको इतिहासमा नै पहिलोपटक आयोजना गरिएको विशेष मुक्तक वाचन कार्यक्रममा जिल्ला भरका साहित्यकारहरुको सहभागिता रहेको थियो ।
कार्यक्रममा वोल्दै वालिङ नगरपालिकाका प्रमुख दिलिपप्रताप खाँणले साहित्य मानव जीवनका लागि अपरिहार्य रहेको बताउनु भयो । उहाँले साहित्यले मानिसलाई जीउन सिकाउने दावी गर्नु भयो ।

स्याङ्जा साहित्य प्रतिष्ठानका अध्यक्ष वरिष्ठ साहित्यकार विश्वप्रेम अधिकारीको सभापतित्वमा भएको कार्यक्रममा १० जना स्याङ्जाली युवा मुक्तककार र १ जना मकवानपुरे युवा मुक्तककारको विशेष मुक्तक वाचन रहेको थियो ।
कार्यक्रममा डाक्टर श्यामप्रसाद न्यौपाने ,अग्निकुमार रेग्मी पल्लव, विश्वनाथ सन्जेल मकवानपुर, पराजित रेशम गोतामे , डोलराज विकल्प डुम्रे, लक्ष्मी अर्पणा, जूनतारा सङ्गम, भरत पोख्रेल अन्जान, तोरणराज बस्याल, सीता पङ्गेनी, दुर्गा सारु लगायतले मुक्तक बाचन गरेका थिए ।

कार्यक्रममा लक्ष्मी अर्पणाको नवीनतम मुक्तक कृति ‘आभार’ र विश्वनाथ सन्जेलको नवीनतम मुक्तक कृति ‘क्षितिज-यात्रा’को बारेमा विमर्श समेत भएको थियोे । कृति ‘आभार’ माथि वसन्त खनालले र ‘क्षितिज-यात्रा’ माथि शम्भु अर्यालले समीक्षात्मक मन्तव्य राख्नु भएको थियो ।
कार्यक्रममा मुक्तक वाचकको रूपमा महानन्द ढकाल , तीलक भट्टराई अन्जान , नारायणप्रसाद ज्ञवाली , राज भट्टराई र सुर्यप्रसाद डुम्रे लगायतले आफ्ना मुक्तक वाचन गरेका थिए ।
स्याङ्जा साहित्य प्रतिष्ठानका सचिव मिलन समीरले सन्चालन गरेको कार्यक्रममा स्वागत रविन केसीले गर्नु भएको थियो । विशेष वाचनमा उभिएका ११ जना मुक्तककारलाई कदर पत्र प्रदान गरिएको थियोे ।



समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


