एलआईसी वालिङले दियो मृतकका परिवारलाई विमाको दावी भुक्तानी ।

आँधीखोला खवर/वालिङ :
लाईफ ईन्स्योरेन्स कम्पनी वालिङले दावी भुक्तानी गरेको छ । कम्पनी मार्फत विमा गरेकी वालिङ १४ की २८ वर्षिया लक्ष्मी कुमारी शर्मा डुम्रेको परिवारलाई विमा वापतको रकम भुक्तानी गरिएको हो । लक्ष्मीको गत वैसाख १६ गते निधन भए पछि उहाँका श्रीमान् केशव प्रसाद डुम्रेलाई विमा दावी वापतको रकम हस्तान्तरण गरिएको हो ।
विक्रम सम्वत २०७१ मा रु ५ लाखको विमा गरेकी लक्ष्मीको परिवारलाई रु ५ लाख ९४ हजार ८० रुपैया प्रदान गरिएको एलआईसी वालिङका शाखा प्रमुख नरेन्द्र विष्टले जानकारी दिनुभयो ।
कम्पनीले अभिकर्ताहरु रविन्द्र कुमार गुरुङ र सुर्य प्रसाद शर्माको उपस्थितीमा विमाको दावी भुक्तानी गरेको जनाएको छ ।