बाढीपहिरो पिडितलाई स्याङ्जाका शर्माको आर्थिक सहयोग ।

रोशन लामिछाने/स्याङ्जा :
पुतलीबजार नगरपालिका ३ स्थीत बरसारेका ६७ वर्षीय हरिनारायण शर्माले बाढीपहिरो पिडित परिवारलाई २० हजार १ सय ११ रुपैयाँ नगद सहयोग गर्नु भएको छ । शर्माले प्रमुख जिल्ला अधिकारी कोषहरी निरौला मार्फत प्रधानमन्त्री राहत कोषलाई प्रदान गर्नु भएको हो ।
गत असार २६ गते लगातार परेको बर्षाका कारण मुलुकका बिभिन्न स्थानमा धनजनको क्षति भएकोले पहिरोपिडितलाई सहयोग गरेको शर्माले बताउनु भयो । उहाँले आफुले प्रदान गरेको नगद सहयोग पहिरोपिडि सामु पुग्ने विश्वास लिएको बताउनु भयो ।
प्रमुख जिल्ला अधिकारी निरौलाले उक्त रकम आजै प्रधानमन्त्री राहत कोषमा जम्मा गरिदिने बताउदै दुःखमा परेकालाई सहयोग गर्नु नै सेवा र धर्म दुबै भएकोमा बताउनु भयो । निरौलाले दुःखमा परेका सबैलाई सबैले सहयोग गर्नुपर्ने समय आएको धारणा राख्नु भयो ।
समाजसेवी शर्माले यसअघि पनि बाढी पिडितलाई एक लाख, बैशाखको हावाहुरी पिडितलाई ५० हजार र भूकम्प प्रभावितलाई २२ हजार नगद प्रदान गरिसकेका छन् । केही समय देखि लगातार परेको वर्षाका कारण करिब ३ दर्जनको मृत्यु भै सकेको छ भने कयौ घाईत तथा विस्थापित भएका छन् ।