अमोर सेवाको कार्य सह्रानीय-सांसद मरासिनी ।

भवानी अधिकारी/स्याङ्जा :
पुतलीबजार नगरपालिका १ स्थित नबरत्न बचत तथा ऋण सहकारी संस्थाले सोमबार बालगृहलाई झण्डै ५० हजार मुल्य बरावरको जिन्सी सहयोग गरेको छ ।

फेदिखोला गाउँपालिका १ स्थित अमोर सेवा नेपालद्धारा संचालित बालगृहलाई सहकारीको सामाजिक उत्तरदायित्व कार्यक्रम अन्र्तगत छुट्टाइएको बजेटले सहयोग गरिएको हो । सहकारीले बालगृहलाई २५ वटा कुर्ची र बालबालिकालाई २५ वटा ट्रयाक सुट प्रदान गरेको हो ।
सामाग्री बितरण गर्दे सहकारीका संस्थापक अध्यक्ष एवं संघीय सांसद नारायणप्रसाद मरासीनीले अमोर नेपालको उदाहरणीय र सह्रानीय कार्यको प्रशंसा गर्दे यस्ता सहयोगलाई निरन्तरता दिईने बताउनु भयो ।

अमोर नेपालका अध्यक्ष कमला पराजुलीले बिभिन्न सरकारी निकाय, गैरसरकारी संस्था, ब्यक्तिगत सहयोगले बालगृह संचालनमा सहज बनेको जानकारी गराउनु भयो । कार्यक्रममा सहकारीका अध्यक्ष मोतीप्रसाद पौडेल, कार्यक्रम संयोजक वेदप्रसाद दोरंगा र सचिव पमनारायण अर्यालले बालगृहका लागि सहयोग गर्ने प्रतिवद्धता जनाए ।

Facebook Comments Box