उपमेयर कप महिला फुटवल : वालिङ नगरपालिका सेमिफाईनलमा प्रवेश ।

आँधीखोला खवर / वालिङ :
काठमाडौंमा जारी अन्तर नगरपालिका स्तरीय उपमेयर कप महिला फुटवल प्रतियोगितामा स्याङ्जाको वालिङ नगरपालिका सेमिफाईनलमा प्रवेश गरेको छ । आज भएको आफ्नो तेस्रो खेलमा वर्दियाको वाँसगढी नगरपालिकासँग बराबरीमा रोकिए पनि अंकका आधारमा समूह विजेता बन्दै वालिङ सेमिफाईनलमा प्रवेश गरेको हो । निक्कै आक्रामक रुपमा खेलेको वालिङ नगरपालिकालाई वाँसगढी नगरपालिकाले रक्षात्मक खेल खेल्दै गोल गर्नबाट बञ्चित गराएको थियो । वालिङ नगरपालिकाको ३ खेलबाट ७ अंक रहेको छ भने समान खेल खेलेको बाँसगढीको ५ अंक रहेको छ ।

अखिल नेपाल फुटवल संघ एन्फाको आयोजनामो उपमेयर कप अन्तर नगरपालिकास्तरीय महिला फुटवल प्रतियोगिता शुक्रबारदेखि शुरु भएको हो । वालिङले आफ्नो पहिलो खेलमा सप्तरीको शम्भुनाथ नगरपालिकालाई ११–० को फराकिलो गोल अन्तरले पराजित गरेको थियो भने दोस्रो खेलमा दाङको घोराही उपमहा—नगरपालिकालाई ५—० गोलको अन्तरले पराजित गरेको थियो ।
वालिङ नगरपालिकाले अव सेमिफाईनलमा आगामी १० गते अर्काे समुहको विजेतासँग प्रतिस्पर्धा गर्ने वालिङ नगर कार्यपालिका सदस्य एवम् टिम ब्यवस्थापक रेखा थापाले बताउनुभयो । देशभरीका कूल १८ नगरपालिकालाई चार समूहमा विभाजन गरि खेलाईएको हो चार ओटै समूहका विजेता टोली मात्रै सेमिफाईनलमा प्रवेश पाउने छन् ।
प्रतियोगितामा प्रथम हुने नगरपालिकाले नगद पाँच लाख र द्वितीय हुने नगरपालिकाले नगद तीन लाख प्राप्त गर्ने छन् ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


