लागु औषध तथा मदिरा नियन्त्रण सम्बन्धी अभिमूखीकरण ।

आँधीखोला खवर/ स्याङ्जा :
जिल्ला रेडक्रस सोसाइटी गणेशपुर उपशाखाको आयोजना तथा पुतलीबजार नगरपालिकाको आर्थिक सहयोगमा लागु औषध अपराध निषेध तथा मदिरा नियन्त्रण सम्बन्धी अभिमूखीकरण कार्यक्रम पुतलीबजार नगरपालिका ४ मा गरिएको छ ।
कार्यक्रमको उदघाटन गर्दे वडा अध्यक्ष ओमबहादुर खड्काले वडालाई लागु औषध सम्बन्धी आवश्यक बिभिन्न कार्यक्रम संचालनका साथ युवाहरुलाई परिचालन गर्दे नमूना वडा निर्माण गर्ने बताउनुभयो । स्वस्थ्य मन र शरिर भएमात्र बिकास र समृद्धी हुने बताउदै अध्यक्ष खड्काले जनचेतनासंगै विकास र समृद्धीमा जुट्ने प्रतिवद्धता ब्यक्त गर्नुभयो ।
सामुदायीक सेवा प्रगतीनगरका अध्यक्ष विश्वनाथ पौडेल, पत्रकार महासंघका उपाध्यक्ष भवानी अधिकारी, रेडक्रस सोसाइटी गणेशपुर उपशाखाका उपसभापति खगेन्द्र सुवेदी लगायतले मन्तब्य ब्यक्त गर्नुभएको थियो ।

लागु औषध नियन्त्रण तथा रोकथाम सम्बन्धी प्रहरी नायब निरीक्षक नवराज पौडेल तथा जीवन वाटिका स्याङ्जाका अध्यक्ष नविन अर्यालले एचआइभी र लागु औषध सम्बन्धी प्रशिक्षण दिनुभएको थियो ।
जिल्ला रेडक्रस सोसाइटी गणेशपुर शाखा अध्यक्ष राम शर्मा पोखरेलको अध्यक्षतामा सम्पन्न कार्यक्रमको संचालन सचिव डोलराज पोखरेलले गर्नुभएको थियो । कार्यक्रममा महिला समूह, टोल विकास संस्था, बालबालिका र युवाहरुको सहभागिता रहेको थियो ।

Facebook Comments Box