बाख्रा पालन तालिम सगै कृषकहरुलाई बाख्रा वितरण ।

चुत्र बहादुर महत / भीरकोट :
गरिवसंग विशेश्वर कार्यक्रम अन्र्तगत समुह सदस्यहरुलाई ३ दिने बाख्रा पालन तालिम भीरकोट नगरपालिका ४ मा सम्पन्न भएको छ । तालिमको समापन गर्दै भीरकोट नगरप्रमुख छायाराम खनालले सिपमुलक तालिमले सहभागिहरुलाई उद्यमशीलतर्फ अगाडि बढाउन मद्दत गर्ने बताउनुभयो । साथै प्रमुख खनालले नगरपालिकाका जनतालाई उद्यमी बनाउँदै आर्थिक रुपमा सक्षम बनाउन सहयोग गर्ने बताउनुभयो । सहभागी मतिलाल काफ्लेले आफ्नो अनुभव सुनाउनु भएको थियो ।

सहभागी श्रृतु सुनार विकको स्वागतसंगै शुरु भएको कार्यक्रम वडा अध्यक्ष चन्द्रबहादुर बस्नेतको अध्यक्षतामा सम्पन्न कार्यक्रमको सञ्चालन सामाजिक परिचालिका ईन्दु रेग्मीले गर्नुभएको थियो ।
तालिममा पशु सेवा प्राविधिक तुल्सीराम काफ्लेले सहजीकरण गर्नुभएको थियो । साथै तालिममा सहभागि मध्ये ७ जनालाई बाख्रा वितरण गरिएको छ भने बाँकीलाई केहि समय पछि वितरण गरिनेछ । एक लाख बराबरको रकमबाट तालिममा सहभागिहरुलाई बाख्रा वितरण गरिने भएको हो । वितरण गरिएको बाख्राको विमा अनिवार्य गर्नुपर्ने, खोप, जुकाको औषधी, भिटामिन खुवाउनपर्ने र व्यवस्थित खोर बनाई आर्थिक रुपमा सक्षम बन्न मद्दत पुग्नेछ ।