आँधीखोलाले बगाउँदा ८ वर्षिय बालकको ज्यान गयो ।

आँधीखोला खवर/भीरकोट :
स्याङ्जामा आँधीखोलाले बगाउँदा आठ बर्षिय बालकको ज्यान गएको छ । भीरकोट नगरपालिका वडा न. १ बयरघारी स्थीत आँधीखोलाले बगाउँदा सोही ठाउँ बस्ने दिपक श्रेष्ठका छोरा अन्स श्रेष्ठको ज्यान गएको जिल्ला प्रहरी कार्यालय स्याङजाले जनाएको छ । आँधीखोलाले बगाउँदै लगेको अवस्थामा स्थानीयले देखेपछि तत्काल उद्धार गरी उपचारको लागि प्राथमीक स्वास्थ्य केन्द्र वालिङ लगीएको थियो । स्वास्थ्य केन्द्रमा उपचारका क्रममा बालकको मृत्यु भएको जिल्ला प्रहरी कार्यालय स्याङजाका प्रहरी नायव उपरीक्षक नविनकृष्ण भण्डारीले जानकारी दिनुभयो । खेल्ने क्रममा खोलाले बगाएको आफ्नो चप्पल छोप्न खोज्दा बालक पनि वगेको प्रत्यक्षदशीले जनाएकाछन् । घटना बारे थप अनुसन्धान भइरहेको प्रहरीले जनाएको छ ।

Facebook Comments Box