चापाकोटमा जनता र जनप्रतिनिधि बीचको अन्तरक्रिया सम्पन्न ।

माधव भट्टराई/चापाकोट :
चापाकोट नगरपालिकामा जनता र जनप्रतिनिधि बीचको अन्तरक्रिया सम्पन्न । चापाकोट नगरपालीका वडा नम्बर ४ दासिंङमा भएको कार्यक्रमका सहभागीहरुले आफ्ना गाँउ टोलका विभिन्न समस्याका बारेमा बोलेका थिए । उनीहरुले नगरले योजना बनाउदा जनताको वास्तविक आवश्यक्ताको पहिचान गर्नु पर्ने बताएकाछन् । उनीहरुले स्थानीय श्रोत र साधनको सही सदुपयोग हुने गरी योजना निर्माण गर्न नगरपालिकालाई सुझाव समेत दिएकाछन् । कार्यक्रममा बोल्दै नगरप्रमुख शिवकुमार गिरीले नगरको समग्र विकासमा आफूहरु लागि रहेको जानकारी दिनुभयो । उहाँले स्थानीय श्रोत तथा साधनको अधिकतम प्रयोग हुने गरी योजना निर्माण गरिने जानकारी दिनुभयो । नगरपालिकाको प्रत्येक टोल—टोलमा समानुपातिक विकास गर्न आफूहरु लागि परेकोे प्रमुख गिरीको भनाई छ ।
वडा नम्बर ४ का अध्यक्ष बिक्रम सारु अध्यक्षतामा भएको कार्यक्रममा स्वागत वडा सदस्य इन्द्र खाँण र संचालन वडा सचिव केसरी मल्ल गर्नु भएको थियो ।