बालिका करणीको आरोपमा स्याङ्जामा एक व्यक्ति पक्राउ ।

आँधीखोला खवर / स्याङ्जा :
जिल्ला प्रहरी कार्यालय स्याङ्जाले बालिका करणीको आरोपमा एक व्यक्तिलाई पक्राउ गरेको छ । ५० वर्षिय ती व्यक्तिलाई भीरकोट नगरपालिका वडा नम्वर १ बाट पक्राउ गरिएको प्रहरीले जनाएको छ । उनले कक्षा ७ मा अध्ययनरत १३ वर्षिया बालिकालाई करणी गरेको भन्दै बालिकाका आफन्तले उजुरी दिएको जिल्ला प्रहरी कार्यालय स्याङ्जाका प्रहरी उपरिक्षक नविनकृष्ण भण्डारीले जानकारी दिनुभयो ।
२०७५ चैत्र ६ गते बालिका विरामी भई घरमा एक्लै रहेको मौका पारी ती ५० वर्षिय व्यक्तिले फकाएर जबरजस्ती करणी गरेको प्रहरीले जनाएको छ । पक्राउ परेसँगै उनलाई मंगलबार जिल्ला अदालतमा प्रस्तुत गरी म्याद थपको अनुमति लिई हिरासतमा राखिएको प्रहरीले जनाएको छ । करणीको आरोप लागेका व्यक्तिको नाम र ठेगाना सार्वजानिक गरिएको छैन ।

Facebook Comments Box