चापाकोटमा ७ दिने अगरबत्ति तथा १० दिने महिला उद्यमशीलता तालिम सम्पन्न ।

माधव भट्टराई / चापाकोट :
स्याङ्जाको चापाकोट नगरपालिकामा ७ दिने अगरबत्ति बनाउने तालिम तथा १० दिने महिला उद्यमशीलता तालिम सम्पन्न भएको छ ।
तालिमको समापन गर्दै नगर प्रमुख शिबकुमार गिरिले महिलाहरु उद्यमी बनेमा मात्रै आर्थिक उपार्जन मार्फत परिवार चलाउन सहज हुने बताउनु भयो । उहाँले शीपलाई निरन्तर व्यवहारमा उतार्न समेत आग्रह गर्नुभयो । उद्योग वाणिज्य संघ चापाकोटका अध्यक्ष मणि खनालको अध्यक्षतामा भएको कार्यक्रमा स्वागत घरेलु तथा साना उद्योग बिकास समिति स्याङ्जाका शाखा अधिकृत जगन्नाथ पाण्डेले र संचालन उद्योग वाणिज्य संघ चापाकोटका सचिव शिव श्रेष्ठले गर्नु भएको थियो । चापाकोट नगरपालिका वडा नम्वर ८ दामाचौरमा सञ्चालित तालिममा ५० जनाको महिलाहरुको सहभागीता रहेको थियो ।