वालिङमा जेष्ठ २४ र २५ गते बैकिङ तथा बीमा एक्स्पो हुने ।
राधाकृष्ण डुम्रे / वालिङ :

स्याङ्जाको वालिङमा बैकिङ तथा बीमा एक्स्पो हुने भएको छ । बित्तीय जागरण राष्ट्रिय अभियान अन्तर्गत आगामी जेष्ठ २४ र २५ गते वालिङमा एक्स्पो गरिन लागेको आज वालिङमा पत्रकार सम्मेलन गरेर जानकारी दिईएको हो ।
मिडिया ईन्टरनेशनलको आयोजना तथा नेपाल राष्ट्र बैकको प्रवद्र्धन, बीमा समितिको सहकार्य र वालिङ उद्योग बाणिज्य संघको सहकार्यमा हुने एक्स्पोमा उद्यमशीलताको बारेमा बहस, बित्तीय साक्षरता सम्वन्धी विशेष अन्तरक्रिया गरिने बताईएको छ ।
पत्रकार सम्मेलनमा ग्रामिण अर्थतन्त्रको विकास, लघु उद्यमशीलतालाई प्रभावकारी बनाउने उद्देश्यका साथ राष्ट्र बैकको योजना अनुशार कार्यक्रम गर्न लागिएको बित्तीय जागरण राष्ट्रिय अभियानका संयोजक माधव निर्दोषले जानकारी दिनुभयो । उहाँले बीमामा पहुँच अभिवृद्धि, हुण्डीको न्युनीकरण, उद्यमशीलताको विकास,ग्रामिण अर्थतन्त्रको चलायमानमा एक्स्पोले महत्वपूर्ण योगदान दिने जानकारी दिनुभयो ।

कार्यक्रममा वालिङ नगरपालिकाका प्रमुख दिलिप प्रताप खाँणले अव आर्थिक संवृद्धिको मात्रै भविष्य रहेको बताउनु भयो । आर्थिक एजेन्डा सवैको पहिलो प्राथमिकतामा रहनु पर्ने भन्दै दोहोरो अंकको व्याजदरले व्यवशायी मारमा परेको बताउनु भयो । प्रमुख खाँणले भन्नुभयो एक अंकको व्याजदरले मात्रै व्यवशाय फस्टाउन सक्छ । गरिमा विकास वैकका पूर्व अध्यक्ष समेत रहनुभएका खाँणले बैक तथा बित्तीय संस्थाको व्याजदर कम गर्नु पर्नेमा जोड दिनुभयो ।
प्रमुख खाँणले वालिङ नगरपालिकाले आगामी आर्थिक बर्षमा ५ वटा औद्योगीक क्षेत्रको स्थापना गर्न लागेको जानकारी दिदै ३ वटा ठुला र २ वटा साना औद्योगीक ग्राम बनाई वालिङमा विभिन्न खाले उद्योगहरु सञ्चालमा ल्याईने बताउनु भयो ।
कार्यक्रममा वालिङ उद्योग बाणिज्य संघका अध्यक्ष शोभाकान्त पौडेलले वालिङको आर्थिक विकासका लागि एक्स्पो सफल हुने धारणा राख्नु भयो । कार्यक्रमको सञ्चालन अभियानका सदस्य पवन ढकालले गर्नु भएको थियो । वालिङ उद्योग बाणिज्य संघको सिटिहलमा आयोजना हुने एक्स्पोको जेठ २४ गते नेपाल राष्ट्र बैकका गभर्नर चिरन्जीवी नेपालले उद्दघाटन गर्ने कार्यक्रम रहेको आयोजकले जनाएको छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


