वालिङमा खुल्यो सुविधा सम्पन्न रेड पिपर बुटिक हल ।
आँधीखोला खवर / वालिङ :
स्याङ्जाको वालिङ ८ डुम्रीकोटमा रेड पिपर बुटिक हल सञ्चालनमा आएको छ । स्थानीय ८ जनाको समूहले विभिन्न कार्यका लागि प्रयोग गर्न सकिने गार्डेन रेष्टुरेन्ट एवं २ वटा हलसहितको पार्टी प्यालेसको शुक्रबार शुभारम्भ गरिएको हो । रेड पिपर बुटिक हलको शुभारम्भ गर्नुहुँदै वालिङ नगर प्रमुख दिलिपप्रताप खाँणले वालिङको आर्थिक विकासमा सहयोग पुग्ने विचार ब्यक्त गर्दै जुन लक्ष्य र उद्धेश्यका साथ सामूहिक रुपमा थालिएको ब्यवसायको सफलताको शुभकामना ब्यक्त गर्नुभयो ।
उहाँले एक्लैले ब्यवसाय गर्दा अप्ठ्यारो पर्न सक्ने र लगानी पनि एक्लैको हुने हुँदा सामूहिकरुपमा कार्यहरु गर्दा सहज हुने बताउनुभयो । “घर घरमा गरिने शुभ कार्यहरु आजभोलि पार्टी प्यालेसहरुमा गर्ने लहर आएको देखिएको छ” नगर प्रमुख खाँणले भन्नुभयो, “यसले मानिसको जीवन पद्धतिमा परिवर्तन ल्याउनुका साथै सहज पनि भएको छ ।”
नगर प्रमुख खाँणले पार्टी प्यालेसले सेवाग्राहीहरुबाट नाफामात्रै नभई सेवा पनि दिनेमा आँफू विश्वस्त रहेको बताउनुभयो । स्थानीय ८ जनाको समूहले झण्डै डेढ करोडको लागतमा सुविधासम्पन्न पार्टी प्यालेस सञ्चालनमा ल्याएका हुन् । शुभारम्भको दिन शुक्रबार नै विभिन्न राष्ट्रिय कलाकारहरुको पनि साङ्गीतिक प्रस्तुति रहेको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


