तीन महिने निशुल्क सिलाई कटाई तालिम शुरु
तोलाकान्त बगाले / वालिङ :
गतिशील महिला बहुउद्धेश्यीय सहकारी संस्थाको आयोजनामा बुधबारबाट तीन महिने निशुल्क सिलाई कटाई तालिम शुरु भएको छ ।
तालिमको बुधबार वालिङ नगर प्रमुख दिलिपप्रताप खाँणले उद्घाटन गर्नुभएको हो । तालिमको उद्घाटन गर्दै नगर प्रमुख खाँणले तालिममा लगनशील भएर सीप सिक्न आग्रह गर्दै सिकेको सीपलाई दैनिक ब्यवहारमा लागू गरी आर्थिक उपार्जन गर्न सुझाव दिनुभयो ।

“हामी सबैसँग क्षमता छ आँफूसँग भएको क्षमतालाई सकारात्मक पाटोमा प्रयोग गर्नुहोस्” नगर प्रमुख खाँणले भन्नुभयो, “अब क्षमता लुकाएर होईन प्रयोगमा ल्याएर आर्थिक विकासतर्फ लाग्नुहोस् ।”
तालीम पश्चात ब्यवसायिकरुपमा उत्पादन भएका सामग्रीहरुले बजार नपाएमा वालिङ नगरपालिकाले सहजीकरणको ब्यवस्था मिलाउने नगर प्रमुख खाँणको भनाई थियो ।
महिला दिदीबहिनीहरुलाई सिलाई कटाई सम्बन्धी निशुल्क तालीम दिएर गतिशील महिला बहुउद्धेश्यीय सहकारी संस्थाले उद्यमशीलतातर्फ उन्मुख गराएको बताउनुभयो । संस्थागतरुपमा दक्ष कामदार उत्पादन गर्ने मुख्य उद्धेश्यले तीन महिने निशुल्क सिलाई कटाई तालिम सञ्चालन गरिएको संस्थाका अध्यक्ष कविता गैह्रेले बताउनुभयो ।
“महिला दिदीबहिनीहरुलाई सीप सिक्ने यो एउटा महत्वपूर्ण अवसरकोरुपमा मैले लिएकी छु” अध्यक्ष गैह्रेले भन्नुभयो, “तसर्थ तालिममा सिकेका सीपलाई दैनिक ब्यवहारमा लागू गर्न सके आम्दानीको पाटोकोरुपमा विकास गर्न सकिन्छ ।”

उद्घाटन समारोहमा समाजसेवी भुपराज बगालेले सिकाईलाई आर्थिक पक्षसँग जोड्नु आजको समयको माग भएको र तालिमको मुख्य उपलब्धी पनि सोही रहेको विचार ब्यक्त गर्नुभयो ।
संस्थाका अध्यक्ष कविता गैह्रेको सभापतित्वमा सम्पन्न उद्घाटन समारोहको सञ्चालन ईन्दिरा अधिकारीले र स्वागत देवी रेग्मीले गर्नुभएको थियो । तालिममा ४० जना महिला दिदीबहिनीहरुको सहभागिता रहेको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


