रामनदीधाम राम्दीमा संस्कृत गुरुकुल विद्यालयको उद्घाटन
कला राना
स्याङ्जाको गल्याङ नगरपालिका वडा नम्बर १ राम्दीमा संस्कृत गुरुकुल विद्यालयको उद्घाटन भएको छ । गल्याङ नगरपालिका – १ राम्दीमा आधारभूत तह कक्षा ६ देखि ८ सम्मको श्री रामनदीधाम संस्कृत विद्यालयको उद्घाटन भएको हो । उद्घाटन समारोहलाई सम्बोधन गर्दै गल्याङ नगरपालिकाका नगर प्रमुख भुपराज अधिकारीले पछिल्लो समय संस्कृति छोड्दै गएर राष्ट्रियता कमजोर भएको बताउनुभयो ।
उहाँले सकारात्मक सोँचका साथ काम गरे जस्तोसुकै काम पनि सहज तरिकाले गर्न सकिने बताउनुभयो । उहाँले संस्कृत विद्यालयको लागि तत्काल २ लाख रुपैयाँ खाद्यान्न सहयोगको लागि नगरपालिकाले प्रदान गर्ने प्रतिबद्धता पनि व्यक्त गर्नुभयो । उद्घाटन समारोहमा गल्याङ नगरपालिका वडा नं. १ का अध्यक्ष गणेश प्रसाद बस्यालले संस्कृत विद्यालयलाई राम्रो र व्यवस्थित बनाउन वडा कार्यालयले सहयोग गर्ने बताउनुभयो ।
कार्यक्रममा संस्कृत विद्यालयका अभियन्ता चैतन्यकृष्ण प्रभुले वैज्ञानिक परम्परालाई अगाडि लैजान गुरुकुल विद्यालयको भुमिका महत्वपूर्ण हुने उल्लेख गर्नुभयो । गुरुकुल विद्यालय उद्घाटन कार्यक्रममा गल्याङ नगरपालिका शिक्षा शाखा प्रमुख केदार आचार्यले विद्यालय स्थापना संस्थागत विकास भएकोले संस्थामा प्रवेश गरेपछि सफल बनाउने अभियान पनि सँँगै चलाउनुपर्ने बताउनुभयो ।
गुरुकुल विद्यालय व्यवस्थापन समितिका अध्यक्ष विष्णु प्रसाद भुसालको अध्यक्षतामा र गुरुकुल विद्यालयका प्रधानाध्यापक कृष्ण प्रसाद बस्यालको स्वागतमा कार्यक्रम सम्पन्न भएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


