निर्धन उत्थान वैङ्कको कार्यशाला गोष्ठी गल्याङमा
टिकाराम अधिकारी/ गल्याङ :
निर्धन उत्थान लघुवित्त वित्तीय संस्था लिमिटेड गल्याङ शाखाको संयोजनमा केन्द्र प्रमुखहरुको बार्षिक कार्यशाला गोष्ठि गल्याङमा सम्पन्न भएको छ । गोष्ठीमा बोल्दै क्षेत्रीय कार्यालय पोखराका क्षेत्रीय प्रमुख नारायण प्रसाद न्यौपानेले विपन्न परिवारको आर्थिक अवस्थामा सुधार ल्याउन वैङकले प्रभावकारी काम गरिरहेको जानकारी दिनुभयो । उहाँले स्वर्गीय डा.हरिहर देव पन्तको अग्रसरतामा वि.सं.२०४७ मा निर्धन को स्थापना गरि वि.स.२०४९ साल चैत्र १ गते निर्धन संस्थाले नेपाल मै पहिलो पटक बिना धितो लघुवित्त कार्यक्रम शुरु गरेको स्मरण गराउनु भयो ।
निर्धन संस्थाको कार्यक्रम देशको ७७ जिल्लामा १८१ शाखा मार्फत ३,४४,१८० घरधुरीमा सेवा प्रदान गरिरहेको वैङ्ले जनाएको छ । २०७५ फाल्गुण मसान्त सम्म १ खरब ७ अर्ब ३९ करोड ९७ लाख ६३ हजार कर्जा वितरण भएकोमा लगानीमा रहेको कर्जा १७ अर्ब ९७ करोड ५३ लाख ५७ हजार र बचत तथा निक्षेप परिचालन ९ अर्ब ९१ करोड ४२ लाख ९७ हजार पुगेको वैङकले जनाएको छ ।
कार्यक्रममा गल्याङका शाखा प्रमुख ईन्द्रमणी गौतमले शाखाको प्रगति विवरण प्रस्तुत गर्नुभएको थियो । गोष्ठीमा उपस्थित केन्द्र प्रमुखहरुलाई ४ समुहमा बिभाजन गरि केन्द्रहरुमा आउन सक्ने समस्या त्यसका समाधानका उपायहरुको बारेमा छलफल भएको थियो । सेनापुक केन्द्रकी प्रमुख खगिसरा अर्यालको सभापतित्वमा भएको कार्यक्रमको सञ्चालन कला न्यौपानेले स्वागत खेमीसरा सारुले गर्नु भएको थियो ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


