मेरो बर्ष, म स्वस्थ्य, मेरो देश स्वास्थ्य अभियान स्याङ्जामा ।

भवानी अधिकारी/स्याङजा :
मेरो बर्ष, म स्वस्थ्य, मेरो देश स्वास्थ्य अभियान अन्तर्गत स्वास्थ्य कार्यालय स्याङ्जाले आज नसर्ने रोगका बारेमा जानकारी गराएको छ । स्वास्थ्य प्रमुख यामप्रसाद शर्माले बर्तमान अवस्था सर्ने भन्दा नसर्ने रोगबाट मानिसको मृत्यु बढी हुने बताउनुभयो । उहाँका अनुसार ६० प्रतिशत मानिसहरु नसर्ने रोगका कारण मृत्यु हुने गरेको छ । भड्किलो खाना र रहनसहनलाई परिवर्तन गर्दै सामान्य जीवन शैली अपनाउन सके नसर्ने रोग नियन्त्रण गर्न सकिने उहाँको भनाई छ । नसर्ने रोगमा क्यान्सर, मुटु रोग, दम लगायतका बिभिन्न रोगहरु पर्दछन । साथै, सो कार्यक्रमका सहभागीलाई प्रमुख जिल्ला अधिकारी कोशहरी निरौलाले बिभिन्न ८ बुँदे स्वस्थ्य जीवनशैली अपनाउने प्रतिवद्धता गराउनुभएको थियो । कार्यक्रममा जिल्ला स्थित सबै सरकारी कार्यालयका प्रमुख, सुरक्षा निकायका प्रमुख, पत्रकार लगायतको सहभागीता थियो ।