भीरकोटमा चार दिने माटो परिक्षण शिविर सम्पन्न

वर्षा पंगेनी/भिरकोट,

माटो तथा मल परिक्षण प्रयोगशाला पोखराको प्राविधिक सहयोगमा चार दिने माटो परिक्षण शिविर भीरकोटमा सम्पन्न भएको छ । भीरकोट नगरपालिकाको आयोजनामा माटो परिक्षण शिविर गरिएको हो । शिविरमा भीरकोट नगरपालिका ५, ६, ७, ८ र ९ गरी ५ वडाको माटो परिक्षण गरिएको हो । भिरकोट ५ स्थित पशुपती आधारभुत विद्यालयमा पहिलो चरणको माटो परिक्षण शिविर गरिएको थियो भने कृषि सेवा केन्द्र दहथुममा १ देखि ४ वडा सम्मलाई लक्षित गर्दै शिविरको आयोजना गरिएको भिरकोट नगरपालिकाले जनाएको छ ।

पहिलो चरणको माटो परिक्षण शिविरमा वोल्दै उपप्रमुख सिमा केसीकर्माचार्यले नगरपालिकाले कृषिलाई प्राथामिकतामा राखेको भन्दै आधुनिक कृषि प्रणालीमा लाग्नका लागी पनि माटो परिक्षण आवश्यक रहेको बताउनुभयो । साथै उहाँले कृषकले माटो परिक्षण गरी सोही अनुसारका कृषि तथा अन्नबाली लगाउन सक्ने भएकाले कृषकहरुको सहजतालाई मध्यनजर गर्दै शिविरको आयोजना गरिएको बताउनुभयो ।

माटो परिक्षणवाट कृषकहरुलाई प्रत्यक्ष फाईदा पुगेको ५ नम्वर वडाका अध्यक्ष यामप्रसाद अधिकारले जानकारी दिनुभयो ।