गुरुङ समुदाय आफ्नो लिपि संरक्षण जुट्दै

आँधीखोला खवर/वालिङ
गुरुङ समुदायको खेमा लिपि संरक्षणका लागी २ दिने प्रशिक्षण प्रदान गरिएको छ । तमु समाज सेवा समिति वालिङले प्रशिक्षणको आयोजना गरेको हो । विशेषगरी युवापुस्तामा खेमा लिपिको संरक्षण गरी प्रर्वद्धन गर्ने उद्देश्यले खेमा लिपि सम्बन्धी प्रशिक्षण प्रदान गरिएको हो ।

प्रशिक्षणको समापन गर्दै तमु ह्युँल छोँज धी गुरुङ राष्ट्रिय परिषदका केन्द्रिय सदस्य मेमबहादुर गुरुङले गुरुङ समुदायको भाषा तथा संस्कृति संरक्षणका लागी प्रशिक्षणले टेवा पुग्ने विश्वास व्यक्त गर्नुभयो । साथै उहाँले पछिल्ला युवापुस्तामा गुरुङ भेषभुषा, तथा भाषासंस्कृतिका बारेमा सचेत गराउनुपर्ने बताउनुभयो । कार्यक्रममा तमु ह्युँल छोँजधीँका जिल्ला अध्यक्ष रवि गुरुङ, प्रशिक्षक गिरमान गुरुङल गायतले बोल्नुभएको थियो । ४० जनाको सहभागिता रहेको तालिममा गिरमान गुरुङले प्रशिक्षण प्रदान गर्नुभएको थियो । तमु समाज सेवा समितिका अध्यक्ष यामबहादुर गुरुङको अध्यक्षतामा सम्पन्न कार्यक्रममा सञ्चालन इश्वर गुरुङले गर्नुभएको थियो ।