आफूले चाहेको समयमा यसरी पठाउनुहोस् जिमेल

यदि तपाईं कुनै जरुरी बैठकमा वा काममा व्यस्त हुनुपर्नेछ तर त्यही बेला नै तपाईंले केही इमेल पनि पठाउनुपर्नेछ भने चिन्ता मान्नु पर्दैन । किनकी जिमेलमा तपाईंले निश्चित समयमा इमेल प्रेषित हुनेगरी शेड्यूल गर्न सक्नुहुनेछ ।

गत वर्ष जिमेलले यो फिचर ल्याएको हो । यसको सहयोगले जिमेल प्रयोगकर्ताले आफूले चाहेको समयमा प्रेषित हुनेगरी इमेललाई पाइपलाइनमा राख्न सक्दछन् । यद्यपि गुगलको यो फिचरका प्रयोगकर्ता निकै कम रहेको र धेरै जिमेल प्रयोगकर्ताले यस फिचरको बारेमा जानकारी पनि नपाएको बताइन्छ ।

आफ्नो इमेल सेवाको १५ औँ वर्षगाँठका अवसरमा गुगलले शेड्यूल फिचर घोषणा गरेको थियो । यदि तपाईं पनि जिमेलमा आफुले चाहेको समयमा इमेल प्रेषित हुनेगरी शेड्यूलिङ्ग गर्न चाहनुहुन्छ भने यी उपाय अपनाउनु पर्दछ :

१. ब्राउजर खोलेर त्यसमा जिमेल लगइन गर्नुहोस्

२. जिमेलको बायाँ भागमा रहेको कम्पोज बटनमा क्लिन गर्नुहोस्

३. जब न्यू मेसेज विन्डो खुल्नेछ तब त्यहाँ आफूले लेख्न चाहेको इमेल लेख्नुहोस् र आफूले पठाउन चाहेको व्यक्तिको इमेल ठेगाना पनि लेख्नुहोस् सम्बन्धित ठाउँमा

४. त्यसपछि send मा क्लिक गर्नुको साटो त्यसैसँग रहेको एरो आइकनमा क्लिक गर्नुहोस् र त्यहाँ रहेको schedule send अप्सनमा क्लिक गर्नुहोस् ।

५. त्यसपछि एउटा सानो विन्डो खुल्नेछ, जसमा possible time अप्सन देखिन्छ ।

६. यदि उपलब्ध अप्सनमा तपाईंका लागि आवश्यक समयको विकल्प उपलब्ध छैन भने pick date and time अप्सनमा क्लिन गर्नुहोस् ।

७. अन्ततः क्यालेन्डर देखा पर्नेछ र त्यहाँ तपाईंले मिति र समय छनोट गरी उक्त इमेललाई समय तालिकामा राख्न सक्नुहुनेछ । त्यसो गर्दा तपाईंले छनोट गरेको सोही समयमा उक्त इमेल सम्बन्धित व्यक्तिलाई जानेछ ।