प्रेमिकासँग बिहे गर्दै बरुण

आँधीखोला खवर

नयाँ पुस्तामा धेरैको मन जित्न सफल बलिउडका चर्चित नायक बरुण धवन आफ्नो प्रेम जीवनले पनि चर्चामा रहन्छन् । बरुणले आज आफ्नो जन्मदिन मनाउदैछन् । जन्मदिन कै दिन बरुणको एक नयाँ खबर बाहिरिएको छ । उनले यसै वर्ष आफ्नो प्रेमिका नताशा दलालको साथ बिबाह गर्दैछन् ।

पारिवारिक सुत्रको हवला दिदै भारतीय मिडियाले बताए अनुसार बरुण र नताशा आगामी वर्ष बिबाह गर्ने तयारीमा थिए । तर, दुबैको परिवारलाई यो कुरा मन्जुर भएन । दुबै परिवारको सल्लाहपछि यसै वर्ष उनीहरुको बिबाह हुने पक्का जस्तै भएको छ । केही दिनमा नै दुई परिवार मिलेर बिबाहको मिति पक्का गर्नेछन् ।

यसै वर्ष बिबाह गर्नका लागि बरुणको आमाले निकै बल गरेकी थिइन् । उनको जिद्दीले नै यसै वर्ष बिबाह हुन लागेको बुझिएको छ । उनी आफ्नो छोराको बिबाह धुमधामले गर्न चाहन्छिन् । बरुण र नताशा लामो समयदेखि प्रेममा छन् । तर, उनीहरुले आफ्नो प्रेमको विषयमा खुलेर कुरा गरेका छैनन् ।