एएफसी यू–१९ महिला च्याम्पियनसिप: नेपाल तेस्राे खेलमा पनि पराजित

एएफसी यू–१९ महिला च्याम्पियनसिपमा नेपाल तेस्रो खेलमा पनि पराजित भएको छ ।

मंगलबार भएको खेलमा घरेलु टोली म्यानमारसँग २–१ गोल अन्तरले पराजित हुँदै प्रतियोगिताबाट बाहिरियो । नेपालले जारी प्रतियोगितामा कुनै पनि खेलमा जीत हात पार्न सकेन् । म्यानमारको मन्डलाथिरी रंगशालामा नेपालले पहिलो हाफमा अग्रता लिए पनि उक्त अग्रता जोगाउन नसक्दा पराजित हुन बाध्य बन्यो ।

नेपालका लागि मनीषा राउतले ३७ औं मिनेटमा पेनाल्टीमा गोल गर्दै अग्रता दिलाएकी थिइन् ।तर दोस्रो हाफमा नेपाली टिमले २ गोल खान पुग्यो । नेपालले पहिलो खेलमा अष्ट्रेलियासँग ११–१ र उज्बेकिस्तानसँग ४–० को हार बेहोरेको थियो । जारी प्रतियोगितामा नेपालले २ गोल गर्दा १७ गोल खान पुग्यो ।

Facebook Comments Box