वालिङ–युएई समाजको अध्यक्षमा तिवारी ।

स्याङ्जा :
वालिङ युएई सम्पर्क समाजको अध्यक्षमा युवराज तिवारी चयन हुनुभएको छ । समाजको तेस्रो अधिवेशनले तिवारीको अध्यक्षतामा नयाँ समितिको गठन गरेको हो । जसको बरिष्ठ उपाध्यक्ष लक्ष्मी भट्टराई,महासचिव टिकाराम लुईटेल चयन हुनुभएको हो ।
स्याङ्जाको वालिङ नगरपालिका क्षेत्रमा जन्मभूमि भई तथा युएईमा कर्म भुमि भएका नेपालीहरुको साझा सामाजिक संस्थाको रुपमा समाजले काम गर्दै आएको नवनिर्वाचित अध्यक्ष तिवारीले बताउनु भयो ।
समितिमा निर्वाचन समितिका संयोजक सन्दिप खनाल,सहसंयोजक ख्याम लुईटेल,संरक्षक चोबाकान्ता डुम्रे ,निवर्तमान अध्क्षय सुर्य गोतामे र प्रमुख संरक्षक याम प्रसाद पाण्डे ,समाजका प्रमुख सल्लाहाकार सोनु डुम्रे रहनुभएको छ । समाजले वालिङ् क्षेत्रमा विभिन्न सामाजिक कार्यहरू गर्नुका साथै युएईमा रहेको वालिङवासीलाई एकजुट गराउदै सुखदुःखमा सहकार्य गर्दै आएको समाजले जनाएको छ ।
निर्वतमान अध्यक्ष गोतामे नेतृत्वको समाजले युएईमा महत्त्वपूर्ण कार्यक्रम तथा समन्वय गर्दै आएको भन्दै नवनिर्वाचित अध्यक्ष तिवारीले यसलाई अझै गतिशील बनाउने प्रतिबद्धता जनाउनु भयो ।