अशक्त नागरिकलाई घरमै नागरिकता
राधाकृष्ण डुम्रे/स्याङ्जा :
स्याङ्जा वालिङमा रहेको इलाका प्रशासन कार्यालयले अशक्त नागरिकलाई घरमै पुगेर नागरिकता प्रदान गरेको छ । वालिङ नगरपालिका–६ की १८ वर्षीया सीता पाण्डे, वालिङ नगरपालिका–३ का १७ वर्षीया किशमाया गुरुङलाई नयाँ नागरिकता प्रदान गरिएको हो ।
यस्तै भिरकोट नगरपालिका–५ का ६७ वर्षीय चोकबहादुर थापालाई नागरिकताको प्रतिलिपी प्रदान गरिएको इलाका प्रशासन कार्यालय वालिङका प्रमुख सरिता चापागाई भारीले जानकारी दिनुभयो ।
नागरिकता प्रमाणपत्र नहुँदा उपचार प्रक्रियालगायत आवश्यक सेवा सुविधा लिन कठिनाइ भएको जानकारी आएपछि घरमा पुगेर नागरिकता प्रदान गरिएको उहाँको भनाइ छ । नागरिकको दुःखमा साथ दिने प्रशासनको दायित्व भएकाले नागरिकताबाट पाउने सेवाबाट बञ्चित हुन नपरोस् भनेर घरमा पुगेको प्रमुख भारीले बताउनुभयो ।
नागरिकता प्रदान गर्ने सहज व्यवस्था मिलाउन वडा कार्यालयले समन्वय गरेको वालिङ नगरपालिका–६ का वडाध्यक्ष श्यामकृष्ण श्रेष्ठले जानकारी दिनुभयो । अशक्तलाई सहज रूपमा कार्यालयसम्म लैजान समस्या भएपछि प्रशासनलाई अनुरोध गरिएको उहाँको भनाइ छ ।
समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


