वालिङमा पहिलो पटक ‘सडक खाना महोत्सव’
राधाकृष्ण डुम्रे/स्याङ्जा :
स्थानीय उत्पादनको बजारीकरण गर्ने उद्देश्यसहित स्याङ्जाको वालिङमा ‘सडक खाना महोत्सव’ हुने भएको छ । वालिङ नगरपालिकाले यही मङ्सिर १७, १८ र १९ गते आँधीखोला करिडोरस्थित पतन्जली, खेलमैदान–सुर्कौदी पुलसम्मको सडक क्षेत्रमा पहिलो पटक महोत्सव गर्न लागिएकोे प्रमुख प्रशासकीय अधिकृत गंगालाल सुवेदीले जानकारी दिनुभयो ।
नगरप्रवक्ता तथा वडा नं. १ वडा अध्यक्ष पदमराज गुरुङले महोत्सवको बारेमा जानकारी गराउनु हुँदै स्थानीय परिकार, स्थानीय कला र संस्कृतिको जगेर्ना गर्ने पालिकाको योजना रहेको बताउनु भयो । वालिङमा पहिलो पटक आयोजना हुन लागेको महोत्सवमा जातिय भेषभुषा, संस्कृतिको प्रस्तुति स्थानीय कलाकारहरुको प्रस्तुति समेत रहने गुरुङको भनाइ छ ।
सडक खाना महोत्सवका लागि आगामी मङ्सिर १५ सम्मा स्टल बुकिङ गर्न नगरपालिकाले आव्हान गरेको छ । तोकिएको ठाउँमा स्टल राख्न पाइने र यसका लागि प्रतिदिन रुपियाँ पाँच सय शुल्क तोकिएको नगरपालिकाले जनाएको छ ।
तीन दिनसम्म सञ्चालन हुने महोत्सवले स्थानीय उत्पादनको बजारीकरण र प्रवर्धन गर्न सहयोग पुग्ने नगर उपप्रमुख तथा सडक खाना महोत्सव–२०८२ का संयोजक कविता तिवारी गैह्रेले जानकारी दिनुभयो । उहाँले भन्नुभयो, “पालिकाका १४ वटै वडामा उत्पादन भएका बस्तुहरुको पहिचान गरि बजारीकरण गर्ने पालिकाको योजना छ ।” पालिकाले विगत केही वर्षदेखि स्थानीय उत्पादनमा जोड दिँदै आएको उहाँको भनाइ छ ।

समाचार
थप सामाग्री-
२३ वर्षपछि वालिङमा सशस्त्र प्रहरीको आफ्नै स्थायी संरचना बन्ने, जग्गा अधिग्रहण प्रक्रिया सुरु
-
चाडपर्वमा वालिङ प्रहरीको सक्रियता : लागूऔषध,अवैध समान,पटका सहित बिभिन्न व्यक्ति पक्राउ ।
-
सिद्धार्थ राजमार्गमा प्रहरीको अपरेसन: लागूऔषधसहित बागलुङका युवक वालिङमा पक्राउ
-
दुर्घटनामा श्रीमानश्रीमती कै मृत्यु : गुल्मी जिप दुर्घटनामा मृत्यु हुनेको संख्या ७ पुग्यो ।
-
प्रहरी चौकीको पुरानो ब्यानर हटाएर नयाँ राखियो
नेपाली कांग्रेस (देउवा समूह)को बिरुवा गाउँ सभापतिमा कुमार राना
३ हप्ता अगाडि
स्याङ्जा : नेपाली कांग्रेस (देउवा समूह) को बिरुवा गाउँपालिकाको १५ औं नियमित महाधिवेशनले युवा नेता गणेशमान राना (कुमार ) को…


