स्वमुल्यांकनमा भीरकोट नगरमा पहिलो, समग्रमा दोश्रो

स्याङजा :

स्थानीयतह संस्थागत क्षमता स्वमूल्याङ्कन (लिजा) मा नगर स्याङ्जाको भीरकोट नगरपालिका गण्डकी प्रदेशमा नगरपालिका मध्ये पहिलो बनेको छ । आर्थिक वर्ष २०८०/०८१ मा भीरकोट सम्पूर्ण पालिका मध्ये गण्डकी प्रदेशमा दोश्रो बन्न सफल भएको हो ।

भीरकोटले ८८ दशमलब २५ प्रतिशत अंक पाएको छ । शासकीय प्रवन्ध, संगठन तथा प्रशासन, वार्षिक बजेट तथा योजना व्यवस्थापन, सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद् व्यवस्थापन, सहकार्य र समन्वयका क्षेत्रमा गरिएको मूल्याङ्कनका आधार हुन ।

संघीय मामिला तथा सामान्य प्रशासन मन्त्रालयले प्रकाशित गरेको नतिजा अनुसार भीरकोट नगरपालिका गण्डकी प्रदेशमै उत्कृष्ट देखिएको छ ।

संघीय मामिला तथा सामान्य प्रशासन मन्त्रालयले प्रकाशित गरेको नतिजा अनुसार स्याङ्जाका अर्जुनचौपारी गाउँपालिका र पहिलो भएको छ । अर्जुनचौपारीले ८८ दशमलब ७५ प्रतिशत अंक पाएको छ । आर्थिक वर्ष २०८०/०८१ मा अर्जुनचौपारीले उत्कृष्ट अंक सहित प्रदेशमा पहिलो भएकोे हो । स्याङ्जाकै भीरकोट नगरपालिका गण्डकी प्रदेशमा दोस्रो भएको छ ।

गण्डकीमा पर्वतको जलजला गाउँपालिकाले ८८ अंक सहित तेस्रो भएको छ । प्रदेशभित्रका ३ पालिकाले ८८ अंक पार गर्दा २२ पालिकाले ८५ अंक पार गरेका छन् । यस्तै, ४१ पालिकाले ८० प्रतिशत अंक कटाएका छन् । पोखरा महानगरपालिकाले ८३.५ प्रतिशत अकं ल्याएको छ ।

नगरपालिकातर्फ गोरखाको पालुङटार ८७.७५ प्रतिशत अंक सहित दोस्रो हुँदा गाउँपालिकातर्फ गोरखाकै भीमसेन थापा गाउँपालिका समान ८७.७५ प्रतिशत अंक सहित तेस्रो भएको छ । समग्र पालिकाहरुमा पालुङटार नगरपालिका प्रदेशमा चौथो र भीमसेन थापा नगरपालिका पाँचौ भएको छ ।

Facebook Comments Box