गल्याङमा ‘गजल उत्सव २०८१’ सम्पन्न ।

गल्याङ :
स्याङ्जामा ‘गजल उत्सव २०८१’ सम्पन्न भएको छ । १५९ औं मोती जयन्तीको अवसर पारेर गल्याङ प्रज्ञा प्रतिष्ठान र गल्याङ नगरपालिकाको आयोजनामा कार्यक्रम गरिएको हो ।
गजल विधाको बारेमा जानकारी कम रहेको भन्दै मोती जयन्तीको अवसर पारेर कार्यक्रमको आयोजना गरिएको गल्याङ प्रज्ञा प्रतिष्ठानका अध्यक्ष चण्डिकाप्रसाद भट्टराईले बताउनु भयो । प्रतिष्ठानको स्थापना पछि गल्याङमा साहित्य सम्वन्धी गतिविधि बढेको उहाँको भनाई छ ।
गल्याङ नगरपालिकाका प्रमुख तथा गल्याङ प्रज्ञा प्रतिष्ठानका प्रमुख संरक्षक गुरुप्रसाद भट्टराईले साहित्य र यसको महत्वलाई अझै बढाउन पालिकाले नीतिगत रुपमा नै काम गर्दै आएको बताउनु भयो ।
कार्यक्रममा गल्याङ प्रज्ञा प्रतिष्ठानका संस्थापक उपाध्यक्ष सुर्यप्रसाद डुम्रे, सचिव युवाकवि मिलन समीर,युवाकवि प्रेमबन्धु सुवेदी लगायतले मोतीराम भट्टको समग्र व्यक्तित्वको बारेमा चर्चा गरेका थिए । गजल उत्सवमा विभिन्न व्यक्तिहरुले आआफ्नो गजल बाचन गरेका थिए ।

Facebook Comments Box