अबैध सालका काठ सहित ट्यक्टर प्रहरी नियन्त्रणमा ।

वालिङ :
स्याङ्जाको कालीगण्डकी गाउँपालिका–७ मिर्मीमा प्रहरीले अबैध सालका काठ सहित ट्यक्टरलाई नियन्त्रणमा लिएको छ । गल्याङ नगरपालिका–५ रुपाखानीबाट कालिगण्डकीको मिर्मी तर्फ लैजाने क्रममा सालको काठ र लु ४ त ६५६५ नम्वरको ट्याक्टरलाई नियन्त्रणमा लिईएको प्रहरीले जनाएको छ ।
साल जातको चिरान (चारपाटे) काठ थान ७ (सात) थान, १५.०६ क्यू फिट फेला पारी ट्याक्टर सहित नियन्त्रणमा लिईएको जिल्ला प्रहरी कार्यालय स्याङ्जाका प्रहरी निरिक्षक उमेशलाल श्रेष्ठले जानकारी दिनुभयो । उहाँका अनुसार काठ सहित ट्याक्टरलाई आवश्यक कारवाहीको लागी सव डिभिजन बन कार्यालय गल्याङमा बुझाईएको छ । यस बारे अनुसन्धान कार्य भई रहेको प्रहरीको भनाई छ ।

Facebook Comments Box